Ինչքանով են արդարացված Արհեստական բանականության ոլորտում կատարվող ներդրումները․ տեսակետ
Sat, 10 Oct 2026 21:00:29 +0400
Այն ներդրումները, որոնք կատարվում են ներկայումս Արհեստական բանականության ոլորտում, համադրելի են գումարային առումով այն ներդրումներին, որոնք կատարվում են երկաթուղիների, էլեկտրացանցերի եւ հեղահաղորդակցութան համակարգերի կառուցման համար։ Այս մասին CNBC-ի փոխանցմամբ՝ հայտարարել է Արժույթի միջազգային հիմնադրամի ղեկավար Քրիստալինա Գեորգիեւան։ Նա նախազգուշացրել է, որ դա բավականին ռիսկային մակարդակի է հասել։
Քանի որ, եթե ակնկալիքներն ու իրականությունը չհամապատասխանեն իրար, ապա մեծ հիասթափություն եւ շոկային իրավիճակ է սպասվելու ԱԲ սեկտորում ներդրումներ կատարածներին։ Գեորգիեւան նաեւ հայտարարել է, որ եթե ԱԲ ոլորտը ճիշտ կառավարվի, ապա այն կարող է զգալիորեն նպաստել գլոբալ տնտեսական առաջընթացին, քանի որ այն համալիր սեկտոր է եւ վերջինիս զարգացումը իր հետ բերում է իրեն փոխկապակցված ուղղությունների զարգացմանը՝ սկսած սարքավորումային բազայի արտադրումից։ Միաժամանակ՝ նա կարեւորել է, որ ոլորտը ունենա աշխարհագրական լայն ներգրավվածություն, որպեսզի հնարավորինս շատ երկրներ ապագայում կարողանան օգտվել վերջինիս բերած դրական նպաստի արդյունքներից։