Ադրբեջանում հեղափոխությո՞ւն է․ անկարգություններ ու ձերբակալություններ են
Sat, 17 Oct 2026 09:30:40 +0400
Ավտոմեքենաների հրկիզման դեպքերը, դպրոցների հրդեհման փորձերը և ուսումնական հաստատությունների մոտ բախումները հանգեցրել են իրավապահ մարմինների վճռական գործողությունների: Այս մասին գրում են ադրբեջանական լրատվամիջոցները։
Ադրբեջանի պետական անվտանգության ծառայությունը ձերբակալել է Բաքվի Աբշերոնի շրջանի Մասազիր գյուղում չորս մեքենաների հրկիզման ենթադրյալ կազմակերպիչներին և կատարողներին: Ըստ պաշտոնական հաղորդագրության, կասկածյալներին մեղադրանք է առաջադրվել ՔՕ համապատասխան հոդվածներով, իսկ դատարանը նախնական կալանք է նշանակել: ւմ է։ Բաքվի Ղարադաղ շրջանում դպրոցի տնօրենի մեքենան հրկիզվել է:
Մոտակայքում երեխաներ են եղել: Յասամալի շրջանում դպրոցը հրդեհելու փորձ է արվել, սակայն հրդեհը մարվել է: Ոչ ոք չի տուժել: Ներքին գործերի նախարարության տվյալներով՝ ձերբակալվել է վեց կասկածյալ, այդ թվում՝ նախկինում դատապարտված քաղաքացի և նույն դպրոցի ավագ դպրոցի աշակերտներ: Ձերբակալություններ են կատարվել նաև «Մայիսի 28» մետրոյի կայարանի մոտ չարտոնված բողոքի ակցիայի ժամանակ, որի պատճառը դպրոցներում հիջաբը կրելու որոշման դեմ է, ինչը կայացրել են Ադրբեջանի իշխանություններն ու Ալիևն անձամբ։ Ներքին գործերի նախարարությունը հայտնել է 37 ձերբակալության մասին՝ հասարակական կարգի խախտման, կրթական աշխատակիցների հետ բախումների, դպրոցական գույքին վնաս հասցնելու և դասերն ու երթևեկությունը խաթարելու փորձերի համար: Նախարարությունը զգուշացրել է, որ դպրոցների մոտ կարգուկանոնը պահպանելու միջոցառումները կշարունակվեն, և անօրինական գործողություններ կատարողները պատասխանատվության կենթարկվեն։