Մաքսային ինչ խնդիրներ կառաջանան Հայաստանի համար՝ ԵԱՏՄ անդամակցությունը կորցնելու դեպքում
Wed, 21 Oct 2026 09:53:14 +0400
Եթե Հայաստանը կորցնի ԵԱՏՄ անդամակցությունը, ապա ըստ արդեն հրապարակված զեկույցի, նախ եւ առաջ Հայաստանի տնտեսվարողների եւ քաղաքացիների համար կարող են առաջանալ մաքսային լուրջ խնդիրներ։
Մասնավորապես՝ կվերականգնվի պարտադիր մաքսային հայտարարագրումը եւ մաքսային վերահսկողությունը այն ապրանքների հանդեպ, որոնք Հայաստանի տարածքից արտահանվում են ԵԱՏՄ անդամ պետությունների տարածքներ։ Այս դեպքում կկիրառվեն այն ռեժիմները եւ որոշումները, որոնք վերաբերում են արդեն ԵԱՏՄ տարածք երրորդ երկրներից մատակարարումների իրականացմանը։
Կվերականգնվի ԵԱՏՄ անդամ երկրներից Հայաստան ներմուծվող ապրանքների պարտադիր մաքսային հայտարարագրումն ու մաքսային վերահսկողցությունը, ըստ այն օրենսդրության, որը գործում է ԵԱՏՄ-ում՝ անդամ երկրներից դեպի երրորդ երկրներ արտահանումներ իրականացնելու համար։
Կվերականգնվեն այն մաքսատուրքերն ու այլ վճարումները, որոնք նախատեսված են ԵԱՏՄ եւ ԱՊՀ անդամ երկրների միջեւ ապրանքաշրջանառության համար։
Կվերականգնվեն այն արգելքներն ու սահմանափակումները, որոնք գործում են ԵԱՏՄ եւ ԱՊՀ անդամ երկրների միջեւ ապրանքների շրջանառության ոլորտում։