Հայաստանը շարունակում է Թուրքիայի և Ադրբեջանի հետ քննարկումները՝ հայ-թուրքական սահմանը բացելու և հարցի շուրջ լուծումներ գտնելու նպատակով։ Այս մասին կառավարության նիստից հետո լրագրողների հետ զրույցում հայտարարել է ՀՀ վարչապետ Նիկոլ Փաշինյանը։

Նրան հարցրել են, թե ինչն է խոչընդոտում հայ-թուրքական սահմանի բացմանը, եթե Երևանի և Անկարայի միջև հարաբերություններում վերջին շրջանում առաջընթաց է գրանցվել։

Փաշինյանի խոսքով՝ գործընթացի ներկայիս փուլում կարևոր դեր ունեն նաև Ադրբեջանի դիրքորոշումն ու այդ հարցի վերաբերյալ առկա վերապահումները։

«Ադրբեջանը որոշակի վերապահումներ ունի այդ հարցի հետ կապված, և այսօր պրոցեսները գտնվում են այդ կետում։ Իհարկե, մենք շարունակում ենք աշխատել և՛ Ադրբեջանի, և՛ Թուրքիայի հետ, որպեսզի կարողանանք որոշակի լուծումների հասնել»,- ասել է վարչապետը։