Պատգամավորի որդուն ձերբակալել են Թուրքիայում
Thu, 22 Oct 2026 20:00:30 +0400
Թուրքիայում փողերի լվացման գործի քննության շրջանակում՝ ձերբակալվել է 15 կասկածյալ, այդ թվում նաեւ՝ լրագրող Մուրադ Աղըրելը եւ Թուրքիայի խորհրդարանի պատգամավոր Մուսթաֆա Սարըգյուլի որդին՝ Օմեր Սարըգյուլը։ Այս մասին հայտնում է Haber7-ը։ Ձերբակալվածները կասկածվում են անօրինական ծագում ունեցող խոշոր գումարների՝ Թուրքիայում եւ արտասահմանում գրանցված ընկերությունների միջոցով օրինականացնելու մեջ։
Թուրքական մամուլում տեղ գտած հրապարակումների համաձայն, ոստիկանական հատուկ գործողության արդյունքում բերման է ենթարկվել տասնյոթ մարդ, որոնցից երկուսի դեպքում որոշում է կայացվել սահմանել դատական հսկողություն, իսկ տասնհինգը ձերբակալվել են, ապա նրանց հանդեպ տրվել է կալանքի սանկցիա։ Պատգամավորի մյուս որդին՝ Էմիր Սարըգյուլը կամավոր է ներկայացել ոստիկանություն։ Ստամբուլի դատախազությունը հայտնում է, որ քրեական վարույթի հարուցման պատճառ է դարձել Գերմանիայի երկու քաղաքացիների բողոքը։ Հանցադրվագների համադրությամբ՝ մի քանի հարյուր միլիոն եվրոյի լվացում է իրականացվել։