Պատրաստ են բանակցել Միացյալ Նահանգների հետ
Thu, 22 Oct 2026 21:30:45 +0400
Իրանը պատրաստ է շարունակել բանակցությունները Միացյալ Նահանգների հետ՝ հակամարտության արդարացի կարգավորման համար։ Սակայն միաժամանակ՝ վճռականորեն տրամադրված է ինքնապաշտպանության, եթե նման անհրաժեշտություն առաջանա։ Այս մասին հայտարարել է Իսլամական Հանրապետության ԱԳ նախարար Աբաս Արաղչին, ըստ Financial Times պարբերականը։ Համաձայն հաղորդման, Արաղչին ասել է, որ Թեհրանը պատրաստ է եւս մեկ հնարավորություն տալու դիվանագիտությանը, եթե տեսնի համոզիչ ապացույցներ, որ Վաշինգտոնն անկեղծորեն է ցանկանում գտնել արդարացի եւ արժանապատիվ որոշումներ, որոնք թույլ կտան ավարտել հակամարտությունը։ Իրանը, ըստ նախարարի, հաստատապես մտադիր է հասնել հակամարտության արժանապատիվ եւ խաղաղ կարգավորման սակայն պատրաստ է նաեւ ինքնապաշտպանվել, եթե դրա հարկը լինի։ Նախարար Արաղչին նկատել է, որ սկսելով պատերազմ Իրանի դեմ՝ ԱՄՆ նախագահ Դոնալդ Թրամփը Իրանի եւ իրանցիների մասին ակնհայտորեն թյուր պատկերացում է ունեցել եւ նման սխալի կրկնությունը ընդամենը բերելու է ավելի ծանր հետեւանքների։