Գերհզոր հրաբխային օջախ են հայտնաբերել
Sun, 25 Oct 2026 11:00:44 +0400
Ճապոնիայում, Կոբեի համալսարանի գիտնականները՝ Ճապոնիայի ափերի մոտ գտնվող ստորջրյա հրաբխային կալդերայում մագմայի խոշոր ռեզերվուար են հայտնաբերվել։ Հայտնի է, որ 7300 տարի առաջ այստեղ տեղի է ունեցել դարաշրջանի խոշորագույն ժայթքումներից մեկը։ Հրաբխային համակարգի ուսումնասիրության համար մասնագետները օգտագործել են սեյսմիկ իմպուլսները, որոնք թույլ են տալիս ճշգրիտ պատկերացում կազմելու ստորգետնյա ռեզերվուարի չափսերի, ձեւի եւ ծավալի մասին։ Վերջին 3900 տարիներին կալդերայի կենտրոնում ձեւավորված լավային գմբեթի ուսումնասիրությունը ցույց է տվել, որ վերջինիս քիմիական կառուցվածքը տարբերվում է վաղնջական ժամանակներում տեղի ունեցած ժայթքման լավայի քիմիական բաղադրությունից։ Հետազոտությունը, որը հրաարակվել է Communications Earth & Environment հանդեսում, թույլ են տալիս հասկանալու մագմայի կուտակման մեխանիզմները նաեւ այլ՝ գերհրաբխային համակարգերում, ներառյալ՝ Յելիսթոունում, եւ Թոբուում, որոնք գտնվում են համապատասխանաբար՝ Միացյալ Նահանգներում եւ Ինդոնեզիայում։ Գիտնականները հայտարարել են նաեւ, որ իրենց բացահայտումը չի նշանակում, թե առաջիկայում հրաբխային ժայթքում կարող է լինել։