Քիմ Քարդաշյանը կվիրահատվի

Քիմ Քարդաշյանը կվիրահատվի

Fri, 30 Oct 2026 21:37:36 +0400


Քիմ Քարդաշյանը հայտնել է, որ էզոֆագիտի՝ կերակրափողի բորբոքման վերջերս ստացած ախտորոշումից հետո ստիպված է լինելու վիրահատության ենթարկվել՝ կոկորդի շրջանում հայտնաբերված «շեղումները» հեռացնելու համար։ Ինչպես գրում է PEOPLE-ը, նա խոստովանել է, որ այս խնդիրը հատկապես անհանգստացնում է իրեն՝ հաշվի առնելով իր ընտանիքում քաղցկեղի պատմությունը։

«Վերջերս մի քանի բժշկի եմ դիմել, և այս հարցն անընդհատ մտքիս է»,-ասել է Քիմը հոկտեմբերի 29-ին հեռարձակված The Kardashians ռեալիթի շոուի դրվագում՝ անկեղծորեն խոսելով իր մտահոգությունների մասին։ Նրա հայրը՝ Ռոբերտ Քարդաշյանը, մահացել է կերակրափողի քաղցկեղից 2003 թվականին՝ 59 տարեկանում։

«Ես այս մասին շատերին չեմ պատմել, որովհետև կարծում եմ՝ սա մի հարց է, որն ինձ շատ խորն է հուզում, և ես պարզապես չեմ ուզում դրա մասին մտածել»,- ասել է Քիմը։ «Քանի որ հայրս մահացել է կերակրափողի քաղցկեղից, հուսով եմ՝ կկարողանամ պարզապես դեղորայք ընդունել, և այս ամենը կանցնի»։

Սակայն հաջորդ դրվագի նախադիտման տեսանյութում Քիմին տեսնում են հիվանդանոց մտնելիս։

«Բժիշկն ասում է, որ կերակրափողիս մեջ այսպիսի շեղումներ կան, և դրանք պետք է վիրահատական ճանապարհով հեռացվեն։ Հորս մոտ էլ նույն խնդիրն էր եղել»,-լսվում է Քիմի ձայնը կադրերի ներքո, որոնցում Քրիս Ջենները հիվանդանոցային մահճակալի մոտ մխիթարում է դստերը։

Այս եթերաշրջանի ավելի վաղ դրվագներից մեկում 46-ամյակը նոր բոլորած Քիմի մոտ ախտորոշվել էր էզոֆագիտ։ Ըստ Mayo Clinic-ի՝ այս հիվանդությունը հանգեցնում է կերակրափողի ներքին մակերեսը պատող հյուսվածքների այտուցման և գրգռման, որոնք միասին կոչվում են բորբոքում։

Էզոֆագիտի հիմնական պատճառներից մեկը գաստրոէզոֆագեալ ռեֆլյուքսային հիվանդությունն է, որը սովորաբար հայտնի է GERD հապավմամբ։ Սակայն հիվանդությունը կարող է առաջանալ նաև կերակրափողում սպիտակ արյան բջիջների կուտակման կամ որոշ դեղամիջոցների ազդեցության հետևանքով։

© 2026 Հրապարակ

Source: Hraparak

Hraparak.am

Share
Published by
Hraparak.am

Recent Posts

Կատակել են Նոբելյան մրցանակի թեմայով

Կատակել են Նոբելյան մրցանակի թեմայով Sat, 21 Nov 2026 00:30:45 +0400 ՌԴ նախագահ Վլադիմիր Պուտինը…

4 ժամ ago

Նոր գերհզոր հրթիռ են արտադրել

Նոր գերհզոր հրթիռ են արտադրել Sat, 21 Nov 2026 00:00:30 +0400 Իրանը ներկայացրել է նոր…

5 ժամ ago

ԵՊՀ դասախոսը կրկին հաղթեց

ԵՊՀ դասախոսը կրկին հաղթեց Fri, 20 Nov 2026 23:48:05 +0400 Վերաքննիչ դատարանի (նախագահող դատավոր Ի.…

5 ժամ ago

Ռիհաննան իր մեկ տարեկան դստերը բերել է պոդիում

Ռիհաննան իր մեկ տարեկան դստերը բերել է պոդիում Fri, 20 Nov 2026 23:45:48 +0400 Ռիհաննան…

5 ժամ ago

Բրիտանիան ու Նորվեգիան Ուկրաինային կտրամադրեն 2 արագընթաց ռազմական նավ

Բրիտանիան ու Նորվեգիան Ուկրաինային կտրամադրեն 2 արագընթաց ռազմական նավ Fri, 20 Nov 2026 23:30:14 +0400…

5 ժամ ago

«Արցախցիների անձնագրերում որպես ծննդավայր «Ադրբեջան» նշելը ՀՀ իշխանությունների քաղաքական որոշման արդյունք է». Նարե Սիմոնյան

«Արցախցիների անձնագրերում որպես ծննդավայր «Ադրբեջան» նշելը ՀՀ իշխանությունների քաղաքական որոշման արդյունք է». Նարե Սիմոնյան Fri,…

5 ժամ ago