«Հրապարակ»․ Կոստյումս թանկ չէր, ուղղակի էդ մի հատն ունեմ

«Հրապարակ»․ Կոստյումս թանկ չէր, ուղղակի էդ մի հատն ունեմ

Sat, 31 Oct 2026 09:25:03 +0400


Հինգշաբթի օրը խորհրդարանում «արյան գետեր էին հոսում»: Տարոն Չախոյանի ելույթից հետո ՔՊ-ականներն ու «ուժեղները» ծեծեցին ու քաշքշեցին միմյանց: Հատկապես շատ քննարկվեց Վահագն Ալեքսանյանի` աթոռով ընդդիմությանը հարվածելու դրվագը, մարդիկ հիշում են, որ մի քանի տարի առաջ էլ նա հենց նիստերի դահլիճում՝ տեսախցիկների առաջ քացով հարվածել էր ընդդիմադիրներից մեկին՝ Վահե Հակոբյանին: Այն ժամանակ իրավապահները հայտարարեցին, որ քրեորեն պատժելի արարք չկա կատարվածում, եւ իրավական գնահատական չտվեցին միջադեպին։ Գուցե դա է պատճառը, որ անպատժելի մնացած անձն արդեն աթոռ է շպրտում:

Ծեծկռտուքի օրը մի ուշագրավ դրվագ էլ մարդկանց աչքից չէր վրիպել` ՔՊ-ական պատգամավոր Սարիկ Մինասյանը կռվի թեժ պահին իր պիջակը հանեց եւ նետեց ԱԺ նախագահի սեղանին: Համացանցում կատակում են, որ, հավանաբար, թանկարժեք պիջակ է` հանեց, որ չվնասվի: Սարիկ Մինասյանին հարցրինք` ինչո՞ւ էր այդ թեժ պահին պիջակը հանում` բրենդային, թանկարժեք պիջա՞կ էր, եւ ինչո՞ւ էր այդպես ոգեւորված մարտնչում` ընդամենը նախօրեին բռնության դեմ պայքարը խստացնող օրինագիծ էին ընդունել: Մինասյանն ասաց. «Կոստյումը հանեցի, դե հիմա բան է` եղավ, ի՞նչ մի հարց են դարձրել կոստյումս: Ի՞նչ թանկարժեք, ուղղակի էդ մի հատն ունեմ, ափսոսս եկավ: Ինչ վերաբերում է կռվին, ապա համացանցում բոլոր տեսանյութերը կան, բացեք, նայեք ու կտեսնեք, թե ով հրահրեց, ով առաջինը հարվածեց: Տարոն Չախոյանն ի՞նչ էր արել, մարդը ելույթ էր ունենում, ընդհատեցին, ինչ ասես, որ չասեցին, «արա» եւ այլն: Կարելի՞ է բա: Խորհրդարանը քաղաքական խոսքի տեղ է, այլ ոչ թե «արա»-ով խոսելու վայր: Կարող էին հակադարձել, նույն ոճով, բայց քաղաքական տեսանկյունից, այլ ոչ թե մեզ վիրավորելով: Անընդհատ նման բաներից է կռիվ սկսվում, տեղից խոսում են ու սադրում: Լարվածություն ոչ մեկիս պետք չէ: Ինչ վերաբերում է բռնությանը դեմ լինելուն, ապա մենք էլի դեմ ենք բռնությանը, բայց դա չի նշանակում, որ արժանապատվություն չունենք, եւ մեզ կարող են հայհոյել, վիրավորել, հարվածել ու պատասխան չստանալ: Մեկը մյուսի հետ աղերս չունեցող բաներ են»:

© 2026 Հրապարակ

Source: Hraparak

Hraparak.am

Recent Posts

Կատակել են Նոբելյան մրցանակի թեմայով

Կատակել են Նոբելյան մրցանակի թեմայով Sat, 21 Nov 2026 00:30:45 +0400 ՌԴ նախագահ Վլադիմիր Պուտինը…

15 րոպե ago

Նոր գերհզոր հրթիռ են արտադրել

Նոր գերհզոր հրթիռ են արտադրել Sat, 21 Nov 2026 00:00:30 +0400 Իրանը ներկայացրել է նոր…

45 րոպե ago

ԵՊՀ դասախոսը կրկին հաղթեց

ԵՊՀ դասախոսը կրկին հաղթեց Fri, 20 Nov 2026 23:48:05 +0400 Վերաքննիչ դատարանի (նախագահող դատավոր Ի.…

58 րոպե ago

Ռիհաննան իր մեկ տարեկան դստերը բերել է պոդիում

Ռիհաննան իր մեկ տարեկան դստերը բերել է պոդիում Fri, 20 Nov 2026 23:45:48 +0400 Ռիհաննան…

1 ժամ ago

Բրիտանիան ու Նորվեգիան Ուկրաինային կտրամադրեն 2 արագընթաց ռազմական նավ

Բրիտանիան ու Նորվեգիան Ուկրաինային կտրամադրեն 2 արագընթաց ռազմական նավ Fri, 20 Nov 2026 23:30:14 +0400…

1 ժամ ago

«Արցախցիների անձնագրերում որպես ծննդավայր «Ադրբեջան» նշելը ՀՀ իշխանությունների քաղաքական որոշման արդյունք է». Նարե Սիմոնյան

«Արցախցիների անձնագրերում որպես ծննդավայր «Ադրբեջան» նշելը ՀՀ իշխանությունների քաղաքական որոշման արդյունք է». Նարե Սիմոնյան Fri,…

1 ժամ ago