Ընդլայնել է հակառուսական սանկցիաները
Sat, 31 Oct 2026 14:30:45 +0400
Ուկրաինայի նախագահ Վլադիմիր Զելենսկին ստորագրել է հրաման, որով հակառուսական սանկցիոն ցանկում է ներառվել ՌԴ 19 քաղաքացի եւ ռուսական «Ռասսվետ» արբանյակային կապի ստեղծման հետ կապված թվով տասը ընկերություն։ Համաձայն ուկրաինական կողմի տարածած հայտարարության, արաբանյակային վերոնշյալ կապի համակարգը կարող է օգտագործվել ռուսական զորքերի կողմից՝ հարվածային ԱԹՍ-ների, այդ թվում՝ Shahed-ների իրական ժամանակի ռեժիմում կառավարելու համար։ Ցանկում է նաեւ նախագծի ստեղծող Bureau 1440 ընկերությունը, ինչպես նաեւ ձեռնարկություններ, որոնք արտադրում են արբանյակային սարքավորումներ, էլեկտրոնային բաղադրիչներ, ապահովում են օտարերկրյա տեխնոլոգիաների ներմուծումը Ռուսաստան։ Առանձին կերպով՝ սանկցիաներ են սահմանվել ռուսական այսպես կոչված «ստվերային նավատորմի»՝ թվով երեսունինը նավերի նկատմամբ։