Սյունիքում կարող է արտահերթ սահմանազատում իրականացվել
Mon, 02 Nov 2026 12:56:58 +0400
Հայաստանի և Ադրբեջանի միջև սահմանազատման գործընթացում կարող է նոր փուլ սկսվել՝ այս անգամ Սյունիքի մարզում։ Խոսքը TRIPP նախագծի ենթակառուցվածքների կառուցման համար նախատեսված տարածքների մասին է։ Այս մասին լրագրողների հետ զրույցում հայտարարել է փոխվարչապետ Մհեր Գրիգորյանը։
Նրա խոսքով՝ հավանական է, որ նախագծի իրականացման անհրաժեշտությունից ելնելով՝ սահմանազատման աշխատանքներն այդ հատվածում անցկացվեն արտահերթ կարգով։
Գրիգորյանը նշել է, որ հայկական կողմը ցանկանում է հնարավորինս շուտ մեկնարկել նախագծային աշխատանքները, որոնք վերաբերում են երեք հիմնական ենթակառուցվածքների՝ էլեկտրահաղորդման գծերի, ավտոճանապարհի և երկաթգծի կառուցմանը։
Փոխվարչապետի պարզաբանմամբ՝ նախատեսվող բոլոր երեք ենթակառուցվածքներն անցնելու են Սյունիքի մարզով, ինչն էլ սահմանազատման աշխատանքների արագացման անհրաժեշտություն է առաջացնում։