Որտեղից է ֆինանսավորվում «Վարչաբենդը»
Tue, 03 Nov 2026 11:50:34 +0400
ԱԺ -ում, պետական բյուջեի քննարկման ընթացքում, ընդդիմադիր պատգամավոր Էդգար Ղազարյանն անդրադարձավ վարչապետ Նիկոլ Փաշինյանի մասնակցությամբ ստեղծված վոկալ-գործիքային «Վարչաբենդ» համույթի գործունեությանը։
Պատգամավորը հետաքրքրվեց, թե ինչ միջոցներով են կազմակերպվել համույթի համերգները, արդյոք դրանց ֆինանսավորումն իրականացվել է վարչապետի աշխատակազմի բյուջեից, և արդյոք խմբի անդամները վարձատրվել են իրենց ելույթների համար։
Ղազարյանը հատուկ հետաքրքրություն հայտնեց նաև թմբկահարին վճարված հնարավոր հոնորարի չափի վերաբերյալ։
«Միջոցները վարչապետի աշխատակազմի՞ց են ծախսվել, թե՞ ոչ, անդամները հոնորարներ ստացե՞լ են, թե՞ ոչ, հետաքրքիր է հատկապես թմբուկահարի հոնորարի գումարը»,-ասել է նա: