Արջը հոշոտել է որսորդին
Wed, 04 Nov 2026 19:00:54 +0400
Ռուսաստանի Տոմսկի մարզում հայտնաբերվել է 55-ամյա տղամարդու դիակ։ Այն գտնվել է արջի ձմեռման տարածքում։ Դիակի վրա եղել են արջի հարձակման հետքեր։ Այս մասին հայտնում են ռուսական ԶԼՄ-ները։ Հայտնի է, որ տղամարդը եղել է որսորդ եւ արջի ձմեռման անտառային տարածք է գնացել՝ արջաորսի։ Երբ չի վերադարձել ժամանակին՝ հարազատները անհանգստացել են ու ահազանգել փրկարարներին եւ ոստիկաններին։ Սկսվել են որոնումներ։ Որոշ ժամանակ անց էլ հայտնաբերվել է դիակը։
Նշենք, որ այս տարի բավականին հաճախ են սկսել հնչել ահազանգեր արջերի հարձակումների, կամ բնակավայրեր դուրս գալու մասին։