Թուրքական բանկի նախկին կառավարչին սպառնում է մինչև 211 տարվա ազատազրկում
Fri, 06 Nov 2026 21:45:20 +0400
Ստամբուլի ծանր հանցագործությունների 29-րդ դատարանը որոշում է հրապարակել «DenizBank»-ի նախկին կառավարիչ Սեչիլ Էրզանի վերաբերյալ, ով մեղադրվում է խարդախության մեջ։ Այս մասին տեղեկացնում է ermenihaber.am-ը։
Նշենք, որ նա այժմ գտնվում է կալանքի տակ ու մեղադրվում է թուրքական ֆուտբոլային աշխարհի հետ կապված խոշոր ֆինանսական խարդախության գործով։
Նրան մեղադրել են «գաղտնի, բարձր եկամտաբեր ներդրումային ֆոնդի» անվան տակ մարդկանցից խոշոր գումարներ շորթելու մեջ։ Դատախազը պահանջվում է Սեչիլ Էրզանին դատապարտել 56 տարի 6 ամսից մինչև 211 տարի 9 ամիս ժամկետով ազատազրկման՝ 3 անձի նկատմամբ «ծանրացուցիչ հանգամանքներում խարդախություն» անելու, ինչպես նաև ևս 27 անձի նկատմամբ «խարդախություն» և «մասնավոր փաստաթղթի կեղծում» իրականացնելու համար։
Նշենք, որ 2025-ի դեկտեմբերի 1-ին առաջին Ստամբուլի ատյանի դատարանը նրան դատապարտել էր 102 տարի 4 ամիս ազատազրկման։