Բանակցել է 12 երկրի ներկայացուցչի հետ
Sat, 07 Nov 2026 20:00:48 +0400
Վերջին մի քանի օրերի ընթացքում Իրանի ԱԳ նախարար Աբաս Արաղչին բանակցել է տասներկու երկրի դիվանագիտական շրջանակների հետ։ Օրակարգում եղել են ռեգիոնի ընթացիկ դրության քննարկումն ու Իսրայելի եւ Մաիցյալ Նահանգների կողմից իրականացված հարձակման հետեւանքները, որոնք լարվածություն են ստեղծել ողջ Մերձավոր Արեւելքում։ Դրանք եղել են անհատական հեռախոսազրույցներ։
Բանակցություններ են անցկացվել մասնավորապես՝ Օմանի, Եգիպտոսի, Հորդանանի, Սաուդյան Արաբիայի, Քաթարի, Կիպրոսի, Թուրքիայի, Քուվեյթի, Էմիրաթների, Թունիսի, Իրաքի եւ Պակիստանի դիվանագիտական ներկայացուցիչների հետ։ Արաղչին ասել է, որ բանակցությունների ընթացքում ինքը շեշտադրել է հատկապես պետական ինքնիշխանության պահպանմանը, ագրեսիայի դադարեցմանն ու քայքայիչ արտաքին միջամտությունների քաղաքականությունից զերծ մնալու անհրաժեշտությունը։ Թեհրանի բարձր ներկայացուցիչը նաեւ ասել է, որ շատ կարեւոր է ստանձնել պատասխանատվություն ու թույլ չտալ արտաքին անկայունություն սփռող ուժերի ակտիվացումը ռեգիոնում։