Ծնողներին, քրոջն ու ևս 7 անձի սպանած լեհ երիտասարդը մահացել է հիվանդանոցում
Mon, 09 Nov 2026 11:30:47 +0400
Կրակովի (Լեհաստան) Գլխավոր շուկայի հրապարակում հրաձգություն իրականացրած անձը այսօր առավոտյան մահացել է հիվանդանոցում։
Այդ մասին հայտնել է Մալոպոլսկի ոստիկանությունը՝ չմանրամասնելով հրաձգություն կատարած անձի մահվան հանգամանքները։
Ավելի վաղ գրել էինք, որ նոյեմբերի 7-ին Կրակովի կենտրոնում տղամարդը կրակ էր բացել ընթացող մեքենայից, ինչի հետևանքով 6 մարդ մահացել էր, 16–ը` վիրավորվել։ Կրակողին ձերբակալել էին, իսկ տանը հայտնաբերել էին նրա քրոջ և ծնողների մարմինները։ Լեհաստանի դատախազությունը գործ էր հարուցել «ահաբեկչություն» հոդվածով։