Հազար ափսոս այն բոլորը կյանքերը, որոնք հնարավոր էր փրկել, բայց չփրկեցին
Tue, 10 Nov 2026 17:42:58 +0400
«Ապրելու երկիր» կուսակցության քաղաքական խորհրդի անդամ Դավիթ Մանուկյանը քննադատել է իշխանություններին՝ հայտարարելով, որ երկրում գրանցվող մահվան դեպքերի համար պատասխանատվություն կրող պաշտոնյաներ կան։
Նա նշել է, որ Հայաստանում գրեթե չի մնացել մի վայր, որտեղ քաղաքացիները, գտնվելով պետության պատասխանատվության ներքո, չզոհվեն կամ չմահանան։
Մանուկյանի խոսքով՝ տեղի ունեցած բոլոր ողբերգությունների համար պատասխանատուները հայտնի են և ունեն անուն-ազգանուններ։ Նա ցավով ընդգծել է, որ կորցրած մարդկային կյանքերը վերադարձնել հնարավոր չէ, մինչդեռ դրանցից շատերը հնարավոր էր փրկել, սակայն անհրաժեշտ քայլերը չեն ձեռնարկվել։
«Հազար ափսոս այն բոլորը կյանքերը, որոնք հնարավոր էր փրկել, բայց չփրկեցինք»,- ասել է նա: