Ինչ է խոստացել ԵՄ դեսպանը
Wed, 11 Nov 2026 13:06:46 +0400
«Ուժեղ Հայաստան» խմբակցության պատգամավոր, ԱԺ եվրաինտեգրման հարցերի հանձնաժողովի նախագահ Հարություն Հարությունյանը դրական է գնահատել Հայաստանում ԵՄ դեսպան Վասիլիս Մարագոսի հետ ունեցած հանդիպումը։
Նոյեմբերի 11-ին, ԵՄ գրասենյակի դիմաց կազմակերպված բողոքի ակցիայի ընթացքում նա նշել է, որ հանդիպման ժամանակ եվրոպացի դեսպանին են փոխանցել իրենց նամակը և հանգամանալից ներկայացրել ստեղծված իրավիճակի վերաբերյալ մտահոգությունները։
Հարությունյանի խոսքով՝ դեսպանը մանրամասն ծանոթացել է բարձրացված հարցերին, գրառումներ կատարել և խոստացել պատշաճ ուշադրություն դարձնել դրանց։ Նա նաև տեղեկացրել է, որ ԵՄ ներկայացուցիչները կուսումնասիրեն ներկայացված խնդիրները, համապատասխան դիտարկումներ կիրականացնեն և հնարավորինս սեղմ ժամկետներում հրապարակային դիրքորոշում կհայտնեն։