Մահացել է ԱՄՆ-ում Ռուսաստանի դեսպանը
Wed, 11 Nov 2026 20:54:20 +0400
Հանկարծամահ է եղել Ամերիկայի Միացյալ Նահանգներում Ռուսաստանի արտակարգ և լիազոր դեսպան Ալեքսանդր Դարչիևը: Այս մասին հայտնում է ՌԴ ԱԳՆ մամուլի ծառայությունը։
Մահվան պատճառը չի նշվում։ Դարչիևը 66 տարեկան էր։
Դարչիևը տարբեր պաշտոններ է զբաղեցրել ԱԳՆ կենտրոնական ապարատում և արտերկրում: 2003–ին նա նշանակվել է Ռուսաստանի ԱԳՆ Հյուսիսային Ամերիկայի դեպարտամենտի փոխտնօրեն, իսկ 2005-ին` ԱՄՆ-ում Ռուսաստանի դեսպանության խորհրդական-դեսպանորդ: 2010-2014թթ. ղեկավարել է Հյուսիսային Ամերիկայի դեպարտամենտը, իսկ 2014թ. հոկտեմբերին Կանադայում ՌԴ դեսպան է նշանակվել և այդ պաշտոնում աշխատել մինչև 2021թ. հունվարը: Դրանից հետո Դարչիևը վերադարձել է Հյուսիսային Ամերիկայի դեպարտամենտի տնօրենի պաշտոնին: 2016թ. նրան շնորհվել է արտակարգ և լիազոր դեսպանի կոչում: