Մերցի ուղերձը Թրամփին՝ առանց անակնկալների․ առջևում Պուտինի հետ հանդիպումն է
Fri, 13 Nov 2026 22:37:53 +0400
Գերմանիայի կանցլեր Ֆրիդրիխ Մերցը Դոնալդ Թրամփին հորդորել է անակնկալ քայլեր չանել Վլադիմիր Պուտինի հետ Չինաստանում սպասվող բանակցությունների ընթացքում և շարունակել գործել Եվրոպայի ու Ուկրաինայի հետ համատեղ։ Reuters-ի փոխանցմամբ՝ նա մտահոգություն է հայտնել, որ հանդիպումը կարող է կրկնել Անքորիջի գագաթնաժողովի շուրջ ստեղծված իրավիճակը։
Մերցը նշել է, որ առաջիկա շաբաթներին սպասվում են խաղաղության առարկայական բանակցություններ՝ եվրոպական մասնակցությամբ։ Նրա դիրքորոշմամբ՝ քննարկումների կենտրոնում պետք է լինեն խաղաղությունից հետո Ուկրաինայի անվտանգության երաշխիքները։