Ի՞նչ է կատարվում Ադրբեջանի բանակում․ հարազատներին թույլ չեն տալիս տեսակցել զինվորներին
Sat, 14 Nov 2026 13:30:45 +0400
Ադրբեջանական բանակ վերջերս զորակոչված երիտասարդ զինծառայողների առողջությունը պաշտպանելու համար, զորամասերում ժամանակավորապես սահմանափակումներ են մտցվել ընտանիքների հետ այցելությունների վրա, հայտնել է Ադրբեջանի պաշտպանության նախարարությունը, փոխանցում են այդ երկրի ԶԼՄ-ները։
Ըստ այդ երկրի ռազմական գերատեսչության՝ զորամասերում ձեռնարկված կանխարգելիչ միջոցառումները նպատակ ունեն կանխել շնչառական հիվանդությունների, այդ թվում՝ գրիպի տարածումը անձնակազմի շրջանում։
Նախարարությունը կոչ է արել երիտասարդ զինծառայողների ծնողներին և բոլոր քաղաքացիներին ըմբռնումով մոտենալ սահմանափակումներին, հաշվի առնել զինվորների առողջությունը պաշտպանելու անհրաժեշտությունը և ժամանակավորապես զերծ մնալ այն զորամասերը այցելելուց, որտեղ նրանք ծառայում են։
Ադրբեջանի ՊՆ-ն նշել է, որ սահմանափակումների վերացումից հետո հանրությանը կտրամադրվի լրացուցիչ տեղեկատվություն։