Հայաստանում կալանավորվածների թիվը երեք ամսում ավելացել է ավելի քան 100-ով

Հայաստանում կալանավորվածների թիվը երեք ամսում ավելացել է ավելի քան 100-ով

Mon, 16 Nov 2026 12:28:23 +0400


Հայաստանում ազատազրկված անձանց գրեթե կեսը դեռևս դատապարտված չէ և գտնվում է կալանքի տակ։ Այս մասին հայտարարել է «ՀայաՔվե» քաղաքացիական նախաձեռնության համահիմնադիր Ավետիք Չալաբյանը՝ Ազգային ժողովում անցկացված «Հայաստանի Հանրապետությունում ժողովրդավարության հետընթացը, քաղաքական հալածանքների ենթարկվող անձանց իրավունքների պաշտպանությունը և իրավական երաշխիքները» թեմայով խորհրդարանական լսումների ընթացքում։

Չալաբյանի ներկայացրած տվյալներով՝ երկրի քրեակատարողական հիմնարկներում պահվող անձանց 48 տոկոսը կալանավորներ են։ Ավելին, վերջին երեք ամիսների ընթացքում նրանց թիվն աճել է ավելի քան 100-ով։ Նրա խոսքով՝ այդ անձանց զգալի մասը քաղաքական դրդապատճառներով քրեական հետապնդման ենթարկված քաղաքացիներ են։

Նա ուշադրություն է հրավիրել նաև այն հանգամանքի վրա, որ Հայաստանում ազատազրկվածների մոտ կեսը դեռևս չունի դատավճիռ։ Չալաբյանի գնահատմամբ՝ այս ցուցանիշը տարածաշրջանում ամենաբարձրն է։ Համեմատության համար նա նշել է, որ Եվրամիության երկրներում կալանավորների միջին մասնաբաժինը կազմում է 25 տոկոս, Ռուսաստանում՝ 30 տոկոս, իսկ Վրաստանում, Ադրբեջանում և Թուրքիայում ցուցանիշներն ավելի ցածր են։

Անդրադառնալով քաղաքական ենթատեքստ ունեցող քրեական գործերին՝ Չալաբյանը նշել է, որ դրանց շրջանակում կալանքը դարձել է գրեթե համատարած կիրառվող խափանման միջոց։ Նրա խոսքով՝ դատավորները հազվադեպ են մերժում դատախազության կամ Քննչական կոմիտեի՝ կալանքի վերաբերյալ միջնորդությունները։

«ՀայաՔվեի» համահիմնադիրը սա հակասություն է համարել օրենսդրության պահանջներին, քանի որ օրենքով կալանքը պետք է կիրառվի որպես բացառիկ միջոց։ Նա խնդիրը պայմանավորել է նաև ոչ պատշաճ վարքագծի գնահատման հստակ չափանիշների բացակայությամբ։

Չալաբյանի պնդմամբ՝ դատարաններին ներկայացվող միջնորդություններում հաճախ բացակայում են բավարար փաստական հիմնավորումները, իսկ դատական ակտերը հիմնվում են ընդհանուր ձևակերպումների վրա՝ առանց կոնկրետ ապացույցների ներկայացման։

Եզրափակելով՝ նա նշել է, որ ընդդիմությունն Ազգային ժողովում այսօր հնարավորություն ունի նախաձեռնելու օրենսդրական փոփոխություններ և վերացնելու այն բացերը, որոնք, իր գնահատմամբ, օգտագործվում են քաղաքական ընդդիմախոսներին կալանավորելու համար։

© 2026 Հրապարակ

Source: Hraparak

Hraparak.am

Recent Posts

Դուք խախտում եք իմ անձնական տարածքը. ԱԱԾ փոխտնօրեն

Դուք խախտում եք իմ անձնական տարածքը. ԱԱԾ փոխտնօրեն Mon, 16 Nov 2026 12:39:03 +0400 Latest…

3 րոպե ago

ԿԳԲ-ի պադվալները լցնելու հայտարարությունը հենց այս ամբիոնից է եղել

ԿԳԲ-ի պադվալները լցնելու հայտարարությունը հենց այս ամբիոնից է եղել Mon, 16 Nov 2026 12:37:08 +0400…

5 րոպե ago

Մեկ րոպե լռությամբ հարգեցին Արսեն Գևորգյանի հիշատակը

Մեկ րոպե լռությամբ հարգեցին Արսեն Գևորգյանի հիշատակը Mon, 16 Nov 2026 12:32:46 +0400 Ազգային ժողովում…

10 րոպե ago

Անսովոր հանդիպում է լինելու

Անսովոր հանդիպում է լինելու Mon, 16 Nov 2026 12:30:35 +0400 Չինաստանում կայանալիք Ասիա-խաղաղօվկիանոսյան տնտեսական համագործակցության…

12 րոպե ago

Հոգնել եմ պատասխանել էդ հարցին. Ժաննա Անդրեասյան

Հոգնել եմ պատասխանել էդ հարցին. Ժաննա Անդրեասյան Mon, 16 Nov 2026 12:26:10 +0400 Latest news…

16 րոպե ago

Ավինյանի պնդմամբ՝ նորակառույց շենքերից Երևանը միայն շահու՞մ է

Ավինյանի պնդմամբ՝ նորակառույց շենքերից Երևանը միայն շահու՞մ է Mon, 16 Nov 2026 12:24:44 +0400 Երևանում…

18 րոպե ago