Ինչ 435 միլիարդի մասին է խոսքը

Ինչ 435 միլիարդի մասին է խոսքը

Thu, 19 Nov 2026 13:48:04 +0400


2027 թվականին կրթության, գիտության, մշակույթի, սպորտի և երիտասարդության ոլորտների ֆինանսավորումը կգերազանցի 435 միլիարդ դրամը։ Այս մասին նոյեմբերի 19-ին Ազգային ժողովում 2027 թվականի պետական բյուջեի նախագծի քննարկման ընթացքում հայտնել է ԿԳՄՍ նախարար Ժաննա Անդրեասյանը։

Ներկայացված նախագծի համաձայն՝ նախատեսվող գումարից 164,4 միլիարդ դրամը կուղղվի կապիտալ ծրագրերի իրականացմանը։ Նախարարի խոսքով՝ 2021 թվականի համեմատ, երբ մեկնարկել է Կառավարության նախորդ ծրագրի իրականացումը, նշված ոլորտների ընդհանուր ֆինանսավորումը կավելանա ավելի քան 2,5 անգամ։

2027 թվականի պետական բյուջեով նախատեսվում է միջոցներ տրամադրել 23 բյուջետային ծրագրերի և դրանց շրջանակում իրականացվող 193 միջոցառումների համար։

Անդրադառնալով կապիտալ ներդրումներին՝ Ժաննա Անդրեասյանը նշել է, որ վերջին տարիներին զգալի աշխատանք է իրականացվել ծրագրերի պլանավորման և դրանց գործնական իրականացման միջև առկա տարբերությունը նվազեցնելու ուղղությամբ։ Նրա գնահատմամբ՝ այս գործընթացում կարևոր նշանակություն է ունեցել համապատասխան ինստիտուցիոնալ կարողությունների զարգացումը։

Նախարարի ներկայացրած տվյալներով՝ 2018 թվականին ոլորտի կապիտալ ծախսերը կազմել են ընդամենը 1,3 միլիարդ դրամ։ Դրանից հետո արձանագրվել է զգալի աճ․ մասնավորապես, 2025 թվականին նախարարության համակարգման ներքո գտնվող ոլորտներում կապիտալ ներդրումների փաստացի ծավալը հասել է 129,3 միլիարդ դրամի։

2026 թվականի համար կապիտալ ծրագրերի իրականացման նպատակով նախատեսվել էր 165,5 միլիարդ դրամ։ Իսկ 2027 թվականի բյուջետային նախագծով այդ ուղղությամբ առաջարկվում է հատկացնել 164,4 միլիարդ դրամ, որը կկազմի կրթության, գիտության, մշակույթի, սպորտի և երիտասարդության ոլորտների համար նախատեսված ընդհանուր ֆինանսավորման 37,7 տոկոսը։

© 2026 Հրապարակ

Source: Hraparak

Hraparak.am

Recent Posts

Գերմանացի նախարարի քծնանքը՝ Բաքվին․ կոչ է արել ՀՀ-ին փոխել Մայր օրենքը

Գերմանացի նախարարի քծնանքը՝ Բաքվին․ կոչ է արել ՀՀ-ին փոխել Մայր օրենքը Sat, 21 Nov 2026…

10 րոպե ago

Ի՞նչ է շահել Հայաստանը՝ Ռուսաստանի հետ հարաբերություն փչացնելուց

Ի՞նչ է շահել Հայաստանը՝ Ռուսաստանի հետ հարաբերություն փչացնելուց Sat, 21 Nov 2026 17:15:08 +0400 Թրամփը…

19 րոպե ago

ՀՖՖ նախագահի թեկնածուներն առաջադրվել են

ՀՖՖ նախագահի թեկնածուներն առաջադրվել են Sat, 21 Nov 2026 17:07:06 +0400 Երեկ ավարտվել է ՀՖՖ…

27 րոպե ago

Զոհեր և վիրավորներ կան փոթորիկի հետևանքով

Զոհեր և վիրավորներ կան փոթորիկի հետևանքով Sat, 21 Nov 2026 17:00:44 +0400 Բրազիլիայի հարավում սաստիկ…

33 րոպե ago

Եվրոպական լրագրողների ֆեդերացիան միացել է Հայաստանի ժուռնալիստների միությանը

Եվրոպական լրագրողների ֆեդերացիան միացել է Հայաստանի ժուռնալիստների միությանը Sat, 21 Nov 2026 16:57:42 +0400 Եվրոպական…

36 րոպե ago

Իրանի հարցով հանդիպել են խաղաղարար միջնորդներին

Իրանի հարցով հանդիպել են խաղաղարար միջնորդներին Sat, 21 Nov 2026 16:30:14 +0400 ԱՄՆ նախագահի հատուկ…

1 ժամ ago