Գեներալ Մանվելին թիրախավորելու օրը հատո՞ւկ էր ընտրել. այսօր նրա մահվան տարելիցն է

Գեներալ Մանվելին թիրախավորելու օրը հատո՞ւկ էր ընտրել. այսօր նրա մահվան տարելիցն է

Thu, 19 Nov 2026 20:15:07 +0400


Մանվել Գրիգորյանի մահվան տարելիցի նախօրեին Նիկոլ Փաշինյանը խորհրդարանի ամբիոնից կրկին անդրադարձել է տարիներ առաջ մահացած գեներալին՝ նրա անունը կապելով կոռուպցիայի, զինվորի սնունդը յուրացնելու, դաժանության և Էջմիածնում հաստատված, իր բնորոշմամբ, «կիսաճորտատիրական կարգերի» հետ։ Հատկանշական է, որ այդ հայտարարություններն արվել են Մանվել Գրիգորյանի մահվան տարելիցից ընդամենը մի քանի ժամ առաջ։ Արդյո՞ք սա պատահական ժամանակային համընկնում էր, թե՞ քաղաքական հաշվարկով ընտրված օր, հերթական պատվերը թշնամի երկրից: Հիշեցնենք, որ այսօր` նոյեմբերի 19-ին Մանվել Գրիգորյանի մահվան տարելիցն է: Նա Մահացել է 2020 թվականին: Երեկ` նոյեմբերի 18-ին Ազգային ժողովում կառավարության հետ հարցուպատասխանի ժամանակ Փաշինյանը, պատասխանելով «Հայաստան» խմբակցության պատգամավոր Մեսրոպ Մանուկյանին, որը նախկինում աշխատել է Մանվել Գրիգորյանի հետ, նրան ուղղված վիրավորական արտահայտություններ է արել եւ բազմիցս օգտագործել գեներալի անունը։

Մասնավորապես, Փաշինյանը հայտարարել է. «Դու արջ «քորող» ես, դու գողի աբսլուգ ես, դու ստնտու ես, դու ավելի վատն ես, ես ինքս եմ տեսել՝ ոնց էիր Մանվել Գրիգորյանի կոստյումը բռնած ման գալիս, որ հագցնես։ Ափսոս, որ գիտական աշխատանքը թողել ես, ես եմ տեսել, ինձ չեն պատմել, կոստյումը բռնած, էս բռնած, էն բռնած ման էիր գալիս»։ Այնուհետև վարչապետը շարունակել է. «Ես զինվորի սնունդը չեմ գողացել ոմանց նման, հետո տարել, մատուցել գեներալ Մանվելին, արջերին։ Դու գողի սպասարկու ես, դու ավելի վատն ես, գողի «աբսլուգ» ես, արջ քորող ես, դամաշնիկ բռնող ես»։ Փաշինյանը նաև հարց է հնչեցրել՝ գաղտնի՞ք է, որ Մեսրոպ Մանուկյանը եղել է Մանվել Գրիգորյանի «աբսլուգը»։

Սակայն Փաշինյանը միայն պատգամավորին ուղղված վիրավորանքներով չի սահմանափակվել, հաջորդ օրն էլ անդրադարձել է Մանվել Գրիգորյանին՝ հայտարարելով. «Ասենք՝ հասկացանք, մահացածի հետևից կամ լավը, կամ ոչինչ, բայց ի վերջո պիտի մոռացության մատնե՞նք կապը՝ Ղարաբաղյան շարժում, Մանվել Գրիգորյան, օլիգարխիայի հաստատում, քաղաքացիների իրավունքների ծայրահեղ ոտնահարում Էջմիածին քաղաքում»։ Նրա տերմինով` հեղափոխությունից առաջ Էջմիածնում «կիսաճորտատիրական կարգեր» են եղել եւ ինքը պատրաստվում է իրերն իրենց անուններով կոչել։ Մեսրոպ Մանուկյանը հակադարձել է Փաշինյանին՝ հիշեցնելով Մանվել Գրիգորյանի անցած մարտական ուղին։ Հայտարարել է, որ երբեք չի հրաժարվել Մանվել Գրիգորյանի հետ աշխատելու փաստից և իր կենսագրության որևէ տողից։ Նաև հիշատակել է գեներալի նախկին օգնականներին, որոնք այսօր սերտորեն աշխատում են իշխանության ներկայացուցիչների հետ։

Կատարվածին է անդրադարձել նաև Մանվել Գրիգորյանի դուստրը` Այծեմնիկ Գրիգորյանը: Նա իր ֆեյսբուքի էջում գրել է. ««Այսօր հորս՝ Մանվել Գրիգորյանի մահվան տարելիցն է։ Մանվել Գրիգորյանը միայն անցյալի անուն չէ։ Նա կա՛ ու կլինի իր անցած մարտական ճանապարհով, հայրենիքին նվիրած տարիներով ու թողած գործերով։ Ինչքան էլ փորձեն խեղաթյուրել, լռեցնել կամ մոռացության տալ նրա անցած ուղին, նրա պատմությունը շարունակելու է ապրել և սերնդեսերունդ փոխանցվել։ Եկեք նրան հիշենք իր անցած ճանապարհով, իր պատմություններով ու ժպիտը դեմքին»:

© 2026 Հրապարակ

Source: Hraparak

Hraparak.am

Recent Posts

Ջենիֆեր Լոպեսը բացահայտել է իր կատարյալ մարմնի գաղտնիքը 57 տարեկանում

Ջենիֆեր Լոպեսը բացահայտել է իր կատարյալ մարմնի գաղտնիքը 57 տարեկանում Fri, 20 Nov 2026 23:08:01…

9 րոպե ago

Հիշողությունը բարելավող քթի կաթիլներ են ստեղծել

Հիշողությունը բարելավող քթի կաթիլներ են ստեղծել Fri, 20 Nov 2026 23:00:14 +0400 Ավստրալիայում Սիդնեյի համալսարանի…

17 րոպե ago

Երկրորդ տարբերակ ուղղակի չկա ….

Երկրորդ տարբերակ ուղղակի չկա .... Fri, 20 Nov 2026 22:54:27 +0400 Հարց Ո՞ր դեպքում մի…

23 րոպե ago

Ադրբեջանցիները փորձում են յուրացնել նաև Սպենդիարյանի «Ալմաստ» օպերան

Ադրբեջանցիները փորձում են յուրացնել նաև Սպենդիարյանի «Ալմաստ» օպերան Fri, 20 Nov 2026 22:43:24 +0400 Ադրբեջանական…

34 րոպե ago

Ռուս-Վրացական հանդիպում է տեղի ունեցել

Ռուս-Վրացական հանդիպում է տեղի ունեցել Fri, 20 Nov 2026 22:30:03 +0400 ՌԴ ԱԳ նախարարի տեղակալ…

47 րոպե ago

Արամ Ա Վեհափառը Լիբանանի նախագահի հետ քննարկել է տարածքային ամբողջականության պահպանման հարցերը

Արամ Ա Վեհափառը Լիբանանի նախագահի հետ քննարկել է տարածքային ամբողջականության պահպանման հարցերը Fri, 20 Nov…

50 րոպե ago