Չի՞ գիտակցում, որ Եռաբլուրը հիշատակվելու է քանի դեռ կենդանի են զոհվածներին հիշողները

Չի՞ գիտակցում, որ Եռաբլուրը հիշատակվելու է քանի դեռ կենդանի են զոհվածներին հիշողները

Fri, 20 Nov 2026 17:45:55 +0400


Իրական ժողովրդավարություն հաստատելու խոստումներով իշխանության եկածը երկիրը վերածեց խուժանապետության: Երիտասարդների ուսերի վրայով վարչապետ դարձած անձը զոհաբերեց այդ ջահել տղաներին: Մարտի 1-ի զոհերի ու «Հաց բերողի» մահն անընդհատ շահարկող եղկելին եղկելի է անվանում Եռաբլուրը հիշատակողներին: Չգիտես, այդ անձը չի՞ գիտակցում, որ Եռաբլուրը հիշատակվելու է, քանի դեռ կենդանի են զոհվածների ծնողներն ու զավակները: Ու դրանք ոչ թե տասն են կամ մեկը, այլ հազարավորներ: Եվ, ինչը պակաս կարևոր չէ, նրա «շնորհիվ» արցախցիները կորցրել են իրենց օջախները: Իսկ հավաքական հայությունը կորցրել է իր արժանապատվությունը: Եվ այդ ամենի կորուստը պայմանավորված էր պատերազմում «չշշկռվելիք գերագույնի» հրամանատարութամբ խայտառակ պարտությամբ: «Պարտությունը նախօրոք պլանավորվա՞ծ էր, թե՞ ապաշնորհության պատճառով էր» հարցին էլ լուծում կտրվի իշխանափոխությունից հետո:

Չնայած այդ ամենին, իր ու իր կամակատարների կարծիքով Հայաստանը ժողովրդավարական երկիր է: Ժողովրդավարական է, քանի որ առկա է ձևական կողմը՝ շաբաթը մեկ դուրս է գալիս լրագրողների առջև ու պատասխանում նրանց հարցերին: Իրականում ոչ թե պատասխանում է, այլ իր պատասխաներով ձեռք է առնում թե՛ լրագրողներին, թե՛ հասարակության գրագետ ու մտածող հատվածին և թե՛ ընդհանրապես մարդկային առողջ դատողությանը: Ինչն, իր կարծիքով, ժողովրդավարության դրսևորում է: Իրականում դա ժողովրդավարական փաթեթավորմամբ միապետություն է՝ ագրեսիվ ներքին կյանքում, խեղճ ու հարիֆ՝ թշնամիների դեմ հադիման:
Պատկերացնո՞ւմ եք, ժողովրդավարության ցուցիչ է համարվում նաև այն հանգամանքը, երբ երկրում գործող 38 տարածքային ընտրական հանձնաժողովներից մեկը Սպիտակում կայանալիք տեղական ինքնակառավարման մարմնի ընտրությանն ընդառաջ դիմում է դատարան ՔՊ-ական թեկնածուի գրանցումը անվավեր ճանաչելու հայցով։ Ինչը նրա կուսակիցների շրջանում դժգոհություն է առաջացնում ԿԸՀ-ի (կենտրոնական ընտրական հանձնաժողովի) նկատմամբ: Քանի որ ՔՊ-ականները, վերջինիս առաջնորդի կարծիքով, չէին կարող չլինել օրինավոր (կամ «օրգանիկ»)՝ ի տարբերություն ընդդիմադիրների: Իսկ թե ինչպիսի «օրգանիկ» էին ՔՊ-ին տրված ձայները՝ բացահայտվեց ԲՀԿ-ի օգտին տրված՝ ավելի քան 58 հազար ընտրողների քվեների չեղարկմամբ: Չնայած մեկ այլ տեսանկյունից, եթե Հայաստանը չլիներ ժողովրդավարական, ապա ԲՀԿ-ին ԱԺ-ից դուրս թողնելու նպատակով նույն այդ ԿԸՀ-ն «չէր համարձակվի» զրոյացնել վեց տասնյակ հազար քվեները: Դա, ի միջի այլոց, թույլ չէր տա նաև «ժողովրդավարության բաստիոն» Եվրամիությունը:

Նույն անձանց կարծիքով, չնայած Հայաստանը «ժողովրդավարական» երկիր է, բայց այն կատարյալ չէ, ու որպեսզի վերածվի «կատարյալ ժողովրդավարության», որոշում է կայացվել կյանքի կոչել մեկ այլ «ժողովրդավար» գործչի՝ Սարգսյան Արամի երազանքը: Այն է՝ ճիշտ ժամանակին ընտրական գործընթացներից դուրս թողնել առավել մեծ հեղինակություն վայելող ընդդիմադիր քաղաքական այս կամ այն ուժին: Դրա համար անհրաժեշտ է, որպեսզի թիրախ ուժի ակտիվ անդամներն ու համախոհները ձերբակալվեն ու դատարանի որոշմամբ դատապարտվեն ընտրակեղծարարության և ընտրակաշառք բաժանելու վերաբերյալ հոդվածներով: Իսկ դա, ինչպես ցույց տվեցին թե՛ համապետական և թե՛ դրան հաջորդած տեղական ինքնակառավարման մարմինների ընտրությունները, անհնարին բան չէ Հայաստանի Հանրապետությունում ծլող-ծաղկող «ժողովրդավարության» պարագայում:

Իսկ դրա համար, ինչպես ցույց տվեց կյանքը, առկա են բոլոր պայմանները՝ հակակոռուպցիոն քննիչներ, դատախազության համապատասխան ստորաբաժանում և հակակոռուպցիոն դատարան: Ուրիշ հարց, որ իշխանափոխությունից հետո, ինչը տեղի կունենա վաղ թե ուշ, բայց տեղի կունենա անպայման, այդ բոլոր անձինք անցնելու են իրական արդարադատության մաղով: Ու ինչպես այս օրերին է Վրաստանի գործող իշխանությունը մեղադրում Եվրամիությանը, նույնը տեղի կունենա Հայաստանի պարագայում: Ու հայաստանցին վերջապես կգիտակցի, որ Եվրամիությունը ո՛չ արդարադատության և ո՛չ էլ ժողովրդավարության բաստիոն չէ:

© 2026 Հրապարակ

Source: Hraparak

Hraparak.am

Recent Posts

Որպեսզի կապիտուլյացիոն պայմանագրի ստորագրության համահեղինակ դառնա նաև ողջ հասարակությունը…

Որպեսզի կապիտուլյացիոն պայմանագրի ստորագրության համահեղինակ դառնա նաև ողջ հասարակությունը... Sun, 22 Nov 2026 20:15:01 +0400…

10 րոպե ago

«Կալլասը երբեք իրատեսական թեկնածու չի եղել Մոսկվայի հետ երկխոսության մեջ Եվրոպայի ներկայացուցչի դերի համար»

«Կալլասը երբեք իրատեսական թեկնածու չի եղել Մոսկվայի հետ երկխոսության մեջ Եվրոպայի ներկայացուցչի դերի համար» Sun,…

17 րոպե ago

Ամերիկացի նախարարին արգելել են հեռուստաելույթներ ունենալ

Ամերիկացի նախարարին արգելել են հեռուստաելույթներ ունենալ Sun, 22 Nov 2026 20:00:56 +0400 Սպիտակ տան աշխատակազմի…

25 րոպե ago

Նախարարուհին ճիշտ չի խոսում․․․ սիրուն չի, տիկին Գալյան․ Լիլիթ Գալստյան

Նախարարուհին ճիշտ չի խոսում․․․ սիրուն չի, տիկին Գալյան․ Լիլիթ Գալստյան Sun, 22 Nov 2026 19:58:11…

27 րոպե ago

Ինչ տեսք ունի Հրանտ Թոխատյանը՝ երկարատև հիվանդությունից հետո

Ինչ տեսք ունի Հրանտ Թոխատյանը՝ երկարատև հիվանդությունից հետո Sun, 22 Nov 2026 19:48:30 +0400 Համացանցում…

37 րոպե ago

Մանրամասներ են հայտնի դարձել Իտալիայի ոստիկանության նախկին պետի մահվան մասին

Մանրամասներ են հայտնի դարձել Իտալիայի ոստիկանության նախկին պետի մահվան մասին Sun, 22 Nov 2026 19:37:33…

48 րոպե ago