Viva-ն DigiTec-ում ներկայացրել է Իրերի ինտերնետի (IoT) համակարգն ու թվային այլ լուծումներ

Viva-ն DigiTec-ում ներկայացրել է Իրերի ինտերնետի (IoT) համակարգն ու թվային այլ լուծումներ

Sat, 21 Nov 2026 15:34:05 +0400


Ժամանակակից տեխնոլոգիաներն աստիճանաբար վերափոխում են կյանքը՝ գործընթացները դարձնելով ավելի ճկուն, դինամիկ և փոխկապակցված: Այսօր դրանք հնարավորություն են տալիս մեկ գործիքով լուծելու բազմաբնույթ խնդիրներ՝ ենթակառուցվածքների կառավարումը դարձնելով «խելացի», իսկ բիզնեսինն՝ առավել արդյունավետ: Աշխարհի տարբեր հատվածներից՝ Եվրոպայից ու Պարսից ծոցի երկրներից մինչև Կենտրոնական Ասիա ու ԱՄՆ ներկայացնող առաջատար ընկերությունների ներկայացուցիչներ, տեխնոլոգիական մատակարարներ, ստարտափներ, ներդրողներ, ինժեներներ և քաղաքականություն մշակողներ, Digitec 2026 համաժողովի շրջանակում ներկայանալու և թեմատիկ ննարկումների հնարավորություն ունեն։
[fbvideo:https://www.facebook.com/reel/2383369059069563/|560|314]

Տարածաշրջանի խոշորագույն տեխնոլոգիական միջոցառմանը Viva-ն մասնակցում է իր տաղավարով: Ավելի քան 20 տարի, հեռահաղորդակցության ոլորտում առաջատարի դիրքեր զբաղեցրած ընկերությունը շարունակում է նոր բիզնես լուծումներ առաջարկել: Viva-ն ներկայացնում է Իրերի ինտերնետի (IoT) իր` ամբողջական էկոհամակարգը: Այն ներառում է IoT սարքեր, արդյունաբերական IoT-ի համար նախատեսված անվտանգ կապի լուծումներ, ինչպես նաև տվյալների հավաքագրման, վիզուալացման և ծանուցումների հարթակ։ Էկոհամակարգը թույլ է տալիս հավաքագրել տվյալներ և գործարկել նախապես սահմանված սցենարներ՝ ավտոմատացնելով բիզնես և արդյունաբերական գործընթացները։

Viva-ն գործարկել և սպասարկում է Հայաստանում NB-IoT-ի առաջին և առայժմ միակ ցանցը։ Դա նշանակում է, որ հաղորդակցությունն այսուհետ հնարավոր է ոչ միայն մարդկանց, այլև տարբեր սարքավորումների միջև՝ նոր սերնդի, IoT սարքերի համար նախատեսված ցանցի միջոցով: Գործընթացի կարևոր բաղադրիչ է Իրերի ինտերնետը (IoT), իսկ տեխնոլոգիական լուծումներից մեկը՝ նեղշերտ ցանցը՝ (NB-IoT-ն Narrowband Internet of Things): Բջջային կապի ստանդարտի վրա հիմնված տեխնոլոգիան նախատեսված է փոքր ծավալի տվյալների փոխանցման և մեծ թվով սարքեր մեկ կայանի միացնելու համար։ Կարևոր առավելություններից են տվյալների փոխանցման ժամանակ արձանագրվող էներգաարդյունավետությունը, լայն ծածկույթի հնարավորությունը և մեծ թվով սարքերի միաժամանակյա սպասարկումը։ Այս լուծումը հնարավորություն է ընձեռում սարքավորումները տեղակայելու դժվար հասանելի վայրերում՝ կրճատելով դրանց տեխնիկական սպասարկման ծախսերը:

NB-IoT տեխնոլոգիան կապի հասանելիություն է ապահովում նույնիսկ դժվար հասանելի վայրերում: Հատուկ տվիչներն ու սարքերը հավաքում են անհրաժեշտ տվյալները և NB-IoT – ցանցի միջոցով դրանք փոխանցում բազային կայաններին։ Ստացված տեղեկությունը հասնում է համապատասխան կառավարման համակարգերին, որտեղ մշակվում է, անցնում վերլուծության փուլ և կիրառվում՝ անհրաժեշտ որոշումներ կայացնելու համար։

«Այսօր հեռահաղորդակցության ընկերությունների դերը շատ ավելի լայն է, քան կապի ապահովումը։ Մենք դառնում ենք բիզնեսի և պետության տեխնոլոգիական գործընկերները՝ ստեղծելով ենթակառուցվածքներ և թվային լուծումներ, որոնց վրա հիմնվում է ժամանակակից տնտեսությունը։ Viva-ի համար սա նշանակում է զարգացնել տեխնոլոգիական մի ամբողջ էկոհամակարգ՝ գերարագ կապից, ամպային ծառայություններից և համալիր B2B լուծումներից մինչև Իրերի ինտերնետ, թվային հարթակներ և արհեստական բանականություն։ DigiTec-ում մենք ցույց ենք տալիս, թե ինչպես են Իրերի ինտերնետը (IoT) և խելացի հարթակներն արդեն այսօր օգնում լուծել գործնական խնդիրներ՝ բարձրացնել ձեռնարկությունների աշխատանքի արդյունավետությունը, ավելի խնայողաբար օգտագործել ռեսուրսները, ավտոմատացնել գործընթացները և բարելավել մարդկանց կյանքի որակը։ Սա մեր հնարավորությունների մի մասն է միայն։ Ապագան մենք տեսնում ենք տեխնոլոգիաների համադրման մեջ։ Միացված սարքերից ստացվող տվյալները, դրանք մշակող ամպային ենթակառուցվածքը և տվյալների վերլուծության ու որոշումների կայացման համար կիրառվող արհեստական բանականությունը թվայնացումը տեղափոխում են նոր մակարդակ։ Մեր նպատակն է առաջարկել համալիր տեխնոլոգիական լուծումներ, որոնք օգնում են բիզնեսին ավելի արդյունավետ աշխատել, պետությանը՝ արդիականացնել իր աշխատանքը, իսկ Հայաստանին՝ ամրապնդել իր տեխնոլոգիական մրցունակությունը», – նշել է Viva-ի գլխավոր տնօրեն Արմեն Ավետիսյանը։

Բիզնեսի և պետական կառույցների համար նախատեսված միասնական թվային մեկ հարթակը՝ Viva IoT Hub-ը, թույլ է տալիս միմյանց միացնել, վերահսկել և կառավարել տարբեր «խելացի» սարքեր ու տվիչներ (Իրերի ինտերնետ՝ IoT)։

DigiTec Expo-ի շրջանակում Viva-ն ներկայացրել է նաև կորպորատիվ կապի հնարավորություններն ընդլայնող տեխնոլոգիաներ, այդ թվում՝ ամպային վիրտուալ ավտոմատ հեռախոսակայանը (VPBX)։ Այս լուծումը կազմակերպություններին թույլ է տալիս ճկուն կերպով կառավարել կորպորատիվ հեռախոսակապը՝ առանց սեփական հեռախոսակայանի ֆիզիկական ենթակառուցվածք տեղակայելու և սպասարկելու։

Անկախ բիզնեսի չափից և աշխատակիցների թվից՝ «Վիրտուալ ԱՀԿ»-ից օգտվող կազմակերպությունները, նվազագույն ներդրումներ կատարելով, ժամանակն ու ռեսուրսները խնայելով՝ համակարգված և արդյունավետ բիզնես գործընթացներ են վարում ֆիքսված շարժական համակցման տեխնոլոգիայի՝ FMC (ԷՖ-Էմ-Սի) շնորհիվ: Արդյունքում՝ շարժական կորպորատիվ հեռախոսահամարները միանում են վիրտուալ ԱՀԿ-ին և ապահովում.

սպասման ռեժիմով զանգերի ընդունում՝ անկախ քանակից,
ձայնային ողջույն և խոսակցությունների ձայնագրում՝ բարձրակարգ սպասարկման համար,
զանգերի բաշխում և բաց թողնվածների վերահսկում՝ հետադարձ կապի ապահովման համար,
վիճակագրություն՝ վեբ-ինտերֆեյսի և բջջային հավելվածի միջոցով:

Իսկ միասնական հեռախոսակապը ձայնային հաղորդակցությունն իրականացնում է ինտերնետային ցանցի միջոցով՝ ընդլայնելով կապի կազմակերպման հնարավորությունները՝ կառավարման վահանակի միջոցով աշխարհի ցանկացած կետից զանգերի մասին տեղեկատվություն, վիճակագրություն ստանալը, հեռախոսազանգերի ձայնագրությունների հասանելիությունը, CRM (հաճախորդների հետ հարաբերությունների կառավարում) համակարգին արագ ինտեգրելու հնարավորությունը և այլն։

Այս տեխնոլոգիաների նշանակությունը միայն նորարարության ցուցադրումը չէ։ Դրանց կիրառումը նոր հնարավորություններ է ստեղծում թվային էկոհամակարգի զարգացման համար։

© 2026 Հրապարակ

Source: Hraparak

Hraparak.am

Recent Posts

Հայաստանը պատանդ է վերցրել՝ իր հրաժարականի դիմաց

Հայաստանը պատանդ է վերցրել՝ իր հրաժարականի դիմաց Sat, 21 Nov 2026 15:45:06 +0400 Երբ Փաշինյանն…

9 րոպե ago

Ուժգին երկրաշարժ է տեղի ունեցել Պերուում

Ուժգին երկրաշարժ է տեղի ունեցել Պերուում Sat, 21 Nov 2026 15:30:21 +0400 6,9 մագնիտուդ ուժգնությամբ…

24 րոպե ago

Շուրջ 800 մարդ տարհանվել է

Շուրջ 800 մարդ տարհանվել է Sat, 21 Nov 2026 15:30:02 +0400 Ֆրանսիայի հյուսիսում գտնվող Պա-դը-Կալե…

24 րոպե ago

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ…

30 րոպե ago

Կիրանցը ագրոզբոսաշրջության կենտրոն չդարձավ․ ո՞ւր են անհետացել ֆրանսիական փողերը

Կիրանցը ագրոզբոսաշրջության կենտրոն չդարձավ․ ո՞ւր են անհետացել ֆրանսիական փողերը Sat, 21 Nov 2026 15:15:17 +0400…

39 րոպե ago

Ուկրաինան ռեկորդային օգնություն է ստացել Եվրահանձնաժողովից

Ուկրաինան ռեկորդային օգնություն է ստացել Եվրահանձնաժողովից Sat, 21 Nov 2026 15:00:59 +0400 Եվրոպական հանձնաժողովի (ԵՀ)…

53 րոպե ago