Եթե Ղարաբաղյան շարժումը գերիների վերադարձն է, ուրեմն պետք է շարունակել այն

Եթե Ղարաբաղյան շարժումը գերիների վերադարձն է, ուրեմն պետք է շարունակել այն

Sat, 21 Nov 2026 19:15:32 +0400


ԱԺ վերջին հարցուպատասխանը՝ այնտեղ գործող քաղաքական ուժերի դիրքորոշումների բացահայտման տեսակետից, իրոք որ մի նոր ու կարեւոր հանգրվան էր: Իհարկե, այդ հարցուպատասխանը չկարեւորվեց ո՛չ Նիկոլի կուրծք ծեծելուց եւ ո՛չ էլ ընդդիմության՝ իրեն ուղղված հարցերի վախվորած պատասխաններից: ԱԺ այդ հարցուպատասխանը կարեւորվեց նրանով, որ բացահայտեց Ղարաբաղյան շարժման մասին Նիկոլի ունեցած պատկերացումների ողջ սնանկությունն ու Ղարաբաղի եւ Ղարաբաղյան շարժման մասին մեր ընդդիմության մոտեցումների երկերեսանիությունը:

Այդ հարցուպատասխանն ապացուցեց, որ այս երկրում ինչպես ժամանակին չէին հասկանում, որ Ղարաբաղյան շարժումը Ղարաբաղի հայության ինքնորոշման համար չի սկսվել, այնպես էլ այսօր չեն հասկանում, որ Ղարաբաղյան շարժումը Ղարաբաղի տարածքի նկատմամբ հավակնություն ունենալու մասին չի եղել, որ դեռ մի բան էլ՝ դրանից հրաժարվելով կամ չհրաժարվելով, խաղաղության հասնել կամ չհասնելու հարց լուծենք: Ղարաբաղյան շարժումը հայության մի հատվածի, այս դեպքում՝ Ղարաբաղի հայության ցեղասպանությունը թույլ չտալու, նրան ցեղասպանվելուց փրկելու շարժում է եղել:

Եվ այսօր Հայաստանի ու հայության առջեւ դրված խնդիրը ոչ թե Ղարաբաղյան շարժումը շարունակել, թե չշարունակելն է, այլ՝ Նիկոլին այս պարզ ճշմարտությունը հասկացնելը, որ եթե Ղարաբաղյան շարժումը շարունակելը Ադրբեջանի կողմից օկուպացված 200 քառակուսի կիլոմետր տարածքը վերադարձնելն է, ապա Հայաստանն ու հայ ժողովուրդը պետք է շարունակեն Ղարաբաղյան շարժումը։ Եթե Ղարաբաղյան շարժումը շարունակելը Բաքվի բանտում գտնվող հայ գերիների վերադարձն է, ապա Հայաստանն ու հայ ժողովուրդը պետք է շարունակեն Ղարաբաղյան շարժումը։ Եթե Ղարաբաղյան շարժումը շարունակելը Հայաստանի նկատմամբ Ադրբեջանի սահմանադրությունում ամրագրված տարածքային հավակնությունները չեզոքացնելն է, ապա Հայաստանն ու հայ ժողովուրդը պետք է շարունակեն Ղարաբաղյան շարժումը:

Մյուս հանգամանքը, որին ուզում եմ անդրադառնալ, Նիկոլի՝ «ում եք ուղարկում բայրաքթարների տակ զոհվելու» հարցադրմանն է վերաբերում: Ամեն անգամ, երբ Նիկոլից այս հարցադրումն եմ լսում, միանգամից հասկանում եմ, որ այս մարդն այդպես էլ չկարողացավ վարչապետ ու թերթի խմբագիր լինելու միջեւ եղած տարբերությունը հասկանալ: Որովհետեւ, եթե կարողացած լիներ, ապա հասկացած կլիներ նաեւ, որ վարչապետ, առավել եւս՝ երկրի ղեկավար չեն դառնում բանակին բայրաքթարներից հեռու պահելու կամ զինվորներին պատերազմի դաշտ չտանելու համար: Վարչապետ, առավել եւս՝ երկրի ղեկավար դառնում են երկրի տարածքային ամբողջականությունն ապահովելու, ինքնիշխանությունից եւ իրավունքներից չհրաժարվելու ու դրանք չզիջելու համար:

Գալուստ ՍԱՐԳՍՅԱՆ

© 2026 Հրապարակ

Source: Hraparak

Hraparak.am

Recent Posts

Ցանկանում է Ուկրաինական ճգնաժամը կարգավորել մինչեւ «կաղ բադիկ» դառնալը

Ցանկանում է Ուկրաինական ճգնաժամը կարգավորել մինչեւ «կաղ բադիկ» դառնալը Sat, 21 Nov 2026 19:30:52 +0400…

7 րոպե ago

Այ Քաջ Նազար, գնա քո Ուստիաննայիդ դիմի․ Լևոն Զուրաբյան

Այ Քաջ Նազար, գնա քո Ուստիաննայիդ դիմի․ Լևոն Զուրաբյան Sat, 21 Nov 2026 19:13:17 +0400…

25 րոպե ago

Զելենսկին ՆԱՏՕ-ին անդամակցությունն անվանել է Ուկրաինայի անվտանգության գլխավոր երաշխիք

Զելենսկին ՆԱՏՕ-ին անդամակցությունն անվանել է Ուկրաինայի անվտանգության գլխավոր երաշխիք Sat, 21 Nov 2026 19:00:00 +0400…

38 րոպե ago

Հիստերիադ Մոսկվայով կտրեմ…

Հիստերիադ Մոսկվայով կտրեմ… Sat, 21 Nov 2026 18:45:46 +0400 Արարատ Միրզոյան, ինչ լավ էր՝ հիշեցի.…

52 րոպե ago

Մտադիր է վերականգնել ԵՄ անդամակցությունը

Մտադիր է վերականգնել ԵՄ անդամակցությունը Sat, 21 Nov 2026 18:30:15 +0400 Մեծ Բրիտանիայի վարչապետ Էնդի…

1 ժամ ago

Հանրաքվեն արդեն եղել է, Փաշինյանը կարող է հեռանալ

Հանրաքվեն արդեն եղել է, Փաշինյանը կարող է հեռանալ Sat, 21 Nov 2026 18:15:24 +0400 ՔՊ-ականներն…

1 ժամ ago