Մտադիր է վերականգնել ԵՄ անդամակցությունը
Sat, 21 Nov 2026 18:30:15 +0400
Մեծ Բրիտանիայի վարչապետ Էնդի Բերնեմը հանդես է գալիս իր երկրի՝ ԵՄ կազմ վերադառնալու օգտին։ Նա մտադիր է երկարատեւ համագործակցության հարցով բանակցություններ սկսել ԵՄ հետ։ Այս մասին հայտնում է The Times պարբերականը։ Բրիտանական վարչապետը նախօրեին հայտարարել է, որ սկսում է տարեկան քննարկումների շարք, որոնց շրջանակում անդրադառնալու են նաեւ ԵՄ հետ հարաբերությունների հնարավոր նոր մոդելներին։ Դրանք վերջնարդյունքում ներառվելու են երկրի ռազմավարական զարգացման տասնամյա ծրագրում։
Ընդ որում, Լոնդոնը չի դիտարկում արագ վերադարձ ԵՄ կազմ։ Լեյբորիստական կուսակցության նախընտրական ծրագիրը բացառում է վերադարձ միասնական շուկա եւ մաքսային միություն, ինչպես նաեւ՝ ազատ տեղաշարժի վերականգնում՝ առնվազն գոնե մինչեւ ներկա գումարման խորհրդարանի աշխատանքների ժամկետի ավարտը։ Բրյուսելի հետ Լոնդոնը արդեն պայմանավորվել է մի շարք ապրանքատեսակների գծով, ինչպիսիք են պարենը, գյուղնշանակության արտադրանքը, առեւտրի ընթացակարգերի պարզեցում, երիտասարդական փոխանակումների ակտիվացում, համագործակցություն առեւտրի եւ արտանետումների քվոտաների ոլորտում։ Հիշեցնենք, որ Մեծ Բրիտանիան ԵՄ կազմից դուրս է եկել 2020 թվականին՝ 2016 թվականին կայացած հանրաքվեի արդյունքում։