Լյուքսեմբուրգից 100 հազար եվրո՝ Դիլիջանում լողավազանի համար

Tue, 17 Mar 2026 21:45:07 +0400

Լյուքսենբուրգի Պետանժի քաղաքային խորհուրդը 2025 թ․ դեկտեմբերի 12-ի նիստում որոշել է 100 հազար եվրո գումարի չափով ֆինանսական աջակցություն տրամադրել Դիլիջան համայնքին՝ մարզական լողավազանի կառուցման ծրագրի իրականացման համար։ Մարտի 10-ին Դիլիջան համայնքի ավագանին որոշել է թույլատրել Պետանժի քաղաքային խորհրդի կողմից տրամադրվող 100 հազար եվրո գումարը օգտագործել Դիլիջանում մարզական լողավազանի կառուցման նպատակով և ՀՀ ֆինանսների նախարարության գանձապետական համակարգում բացել արտաբյուջետային հաշիվ: Հավելենք, որ Դիլիջանի քույր քաղաքներն են Դելիջանը (Իրան), Ռոմանը (Ռումինիա), Պյատիգորսկը (Ռուսաստան), Թեոդոսիան (Ղրիմ), Պովաժսկա Բիստրիցան (Սլովակիա)։ Դիլիջան քաղաքը գործընկերային հարաբերություններ ունի Պետանժի (Լյուքսեմբուրգ), Էքս-ան-Պրովանսի (Ֆրանսիա), իտալական Ուդինե և Նոալե քաղաքների հետ։