«Սա իրոք աննորմալ թիվ է». քանի մարդ է դիմում ՀՀ-ից Գրին քարտի համար

Mon, 30 Mar 2026 14:07:41 +0400

«Առաջարկ Հայաստանին» նախաձեռնության անդամ Վահե Հովհաննիսյանի խոսքով՝ ոչ պաշտոնական տվյալներով ամեն տարի մինչև 300 հազար մարդ Հայաստանից մասնակցում է Գրին քարտի խաղարկությանը։

Նա այս ցուցանիշը գնահատել է մտահոգիչ՝ նշելով, որ այն վկայում է՝ հասարակության զգալի հատվածը իր ապագան չի պատկերացնում Հայաստանում և չի կապում այն հայրենիքի հետ։

Հովհաննիսյանն առանձնահատուկ ուշադրություն է դարձրել երիտասարդների վրա՝ ընդգծելով, որ եթե նոր սերունդը ցանկություն չունենա ապրել և զարգանալ սեփական երկրում, ապա մյուս բոլոր խնդիրները երկրորդական նշանակություն են ստանում։

«Սա իրոք աննորմալ թիվ է»,- ասել է նա: