Լոս Անջելեսի ողբերգական ահռելի հրդեհները իրականության թաքնված բազում շերտեր են բացահայտել: Բայց դա այլ թեմա է: Հայերին, սակայն, դրանք առնչվում են ոչ միայն այն առումով, որ ազգությամբ լոսահայերի մի որոշ հատված (հիմնականում մեծահարուստները) զրկվել են տներից, այլև մեկ այլ առումով ևս:
Լոս Անջելեսի դքսությունում բնակֆոնդը վերջին երկու տարիներին սարսափելի թանկացել էր: Հատկապես հայկական բարեկեցիկ գետտոներում` Գլենդեյլում, Բրբանքում և անգամ ոչ շատ բարեկեցիկ Հյուսիսային Հոլիվուդում կամ առավել պակաս բարեկեցիկ Վեն Նայսում:
Հիմա տասնյակհազարավոր լոսանջելեսցի ամերիկացիներ զրկվել են ամեն ինչից և բնականաբար տանիքից: Մանհեթթենի հսկա կղզուց ավելի մեծ տարածքով ենթաքաղաքներ են այրվել այս օրերին Լոս Անջելեսում: Դա արդեն իսկ ստեղծել է անշարժ գույքի աննկարագրելի բարձր պահանջարկ և աննկարագրելի հսկա դեֆիցիտ: Եվ հենց ազգությամբ լոսանջելեսահայերի սիրելի ենթաքաղաքներում է այս պահին ամենամեծ պահանջարկը: Իսկ դա նշանակում է, որ վարձակալության և գնման գները դառնում են աստղաբաշխական: Քաղաքի վերականգնումը տարիներ կտևի: Շատերն այլևս երբեք տուն չեն էլ գնի` նախընտրելով ապրել վարձով:
Հիմա, երբ հավանաբար այս տարի Հայաստանի այս վերջին ծվենը սկսի վերածվել Արևմտյան Ադրբեջանի, Հայաստանը հանձնող հայերի գերակշիռ մասը սովորականի պես հանձնելուց հետո վռնդվելու է իր պապերի ստեղծած հայրենիքից: Եվ ով ճար ունի` փորձելու է կաց գտնել լավագույն հացի վայրում` ԱՄՆ-ում, մասնավորապես Լոս Անջելեսում:
Եվ այդ հարցում անգամ արդեն դրանց բախտը այլևս չի բերելու:
Հատկապես նորեկների համար աննկարագրելի դժվար է լինելու Գլենդելում անգամ մի վրան գտնել, որի տակ կկարողանան շարունակել իրենց գոյությունը:
Բայց դա ոչինչ: Կարևորը հիմա հանձնեն հայրենիքը, հետո …
հետո լավ կԸլնի, բալՔիմ մի բան լավ կըլնի: Աստված մենՁ Ա, վատ բան մի ասեք,ո ր վատ բան չԸլնի: Վատ բաները մենակ Լոսում են ԸլՈւմ, մԵզի ոՇ մի բան էլ չի ԸլԻ:
Հ.Գ. Լուսանկարը ԱԲ-ով կառուցված տեսանյութից է։ Տեղադրել եմ` միայն թեմատիկ առումով, այլ ոչ լուսանկարի վավերականության իմաստով։
Հայկ Մարտիրոսյան
Source: USAArmenia
Անցել է 5 տարի։ Սեպտեմբերի 27-ի աղետաբեր պատերազմը եկավ` ավերածություններ սփռելով մեր շուրջը...Բաց աչքով տեսանելի…
Ես առհասարակ չեմ սիրում քննադատել ընդդիմությանը, որովհետեւ չեմ ուզում ինչ որ կերպ` անգամ ակամա աջակցել…
Այսօր, ինֆորմացիայի առատության շրջանում, մեզանից յուրաքանչյուրը կարող է որոշակի փաստեր համադրել և փորձելով հասկանալ իրականությունը…
Դավիթ Մնացականյան Եվս մեկ կարևոր հարցազրույց ունեցանք Հարգարժան Մկրտիչ Բաբայանի և Վրեժ Աղաջանյանի հեղինակավոր…
Փարաքարի համայնքապետ Վալոդյա Գրիգորյանի աղմկահարույց սպանությունն առաջ է բերել մի շարք սուր հարցեր. Արփինե Սարգսյանի…