Հարցին՝ ինչպե՞ս եք պայքարելու իշխանությունների կողմից վարչական ռեսուրսի կիրառման դեմ՝ հաշվի առնելով այն, որ արդեն իսկ խոսում են նման դեպքերի մասին՝ Արթուր Վանեցյանը, որի գլխավորած քաղաքական ուժը պայքարում է Վաղարշապատի ընտրություններում հաղթելու համար, հայտարարել է.«Վարչական ռեսուրսի դեմ պայքարելու ենք մեր ժպիտներով, մեր աշխատանքով, մեր խոսքով»:
Վանեցյանի պատասխանը, իհարկե, բավական պաթետիկ է հնչում, նույնիսկ՝ պոետիկ, բայց կյանքը ցույց է տալիս, որ ժպիտներով կամ լոկ խոսքով ՔՊ-ի դեմ պայքար չի ստացվում: Ընդդիմադիր բոլոր շարժումների ճակատագիրը հենց դրա վկայությունն է:
Հետևաբար՝ հարց՝ ինքն իրեն ընդդիմադիր հռչակած նախկին ԱԱԾ տնօրենը չունի՞ ռեալ ճանապարհային քարտեզ, թե ինչ է անելու, եթե գրանցվեն ընտրակեղծարարություններ, կամ վարչական ռեսուրսի տոտալ չարաշահում լինի: Իսկ մյուս ընդդիմադիրներն ի՞նչ ծրագիր ունեն, նրանք է՞լ են պատրաստվում ժպտալ ու ՔՊ-ին հաղթել:
Հետևությունը հստակ է՝ ժպիտով իշխանությունների դեմ պայքարելու մասին բոլոր խոսակցությունները միայն ծիծաղ կարող են առաջացնել: Եթե ընդդիմությունը չունի հստակ պլան, թե ինչ է անելու, եթե լինեն կեղծիքներ, նշանակում է՝ պայքարը կա՛մ կեղծ է, կա՛մ մարդիկ պարզ ինքնաբավարարմամբ են զբաղվում՝ հընթացս պաշտպանելով սեփական կապիտալը, որ ունեն Հայաստանում:
Կոնկրետ Վանեցյանի դեպքում այս երկուսից ո՞ր մեկի հետ գործ ունենք…
Source: USAArmenia
Իմ հերոս ընկերներ․ հավատում եմ՝ պատմությունը ամեն ինչ իր տեղը կդնի․ Մախսուդյան Sun, 27 Sep…
Եկեղեցու մասին խոսում են անկենսագիր ու անդաստիարակ մարդիկ. Տեր Երեմիա Sun, 27 Sep 2026 23:35:44…
Հայտնի ֆիլմում պատկերված տունը հանվել է վաճառքի Sun, 27 Sep 2026 23:30:16 +0400 «Նոթինգ Հիլլ»…
Տեր Ռուբեն․ «Նրանց զոհողությունը մեր ներկայի պատասխանատվությունն է» Sun, 27 Sep 2026 23:12:00 +0400 Վեց…
Ընտրել են դարի լավագույն սերիալները Sun, 27 Sep 2026 23:00:39 +0400 The New York Times…
Ձեր արարքը գնահատվելու է՝ անուն առ անուն, այլ ոչ թե ձեր հիշատակի օրը Հանրային ալիքով…