ԱՄՆ-ն լայնամասշտաբ ռազմական գործողություններ է սկսել Իրանի դեմ․ Թրամփ

Sat, 28 Feb 2026 11:53:47 +0400

ԱՄՆ նախագահ Դոնալդ Թրամփը Truth Social սոցիալական ցանցում հրապարակված տեսաուղերձում հաստատել է Իրանի տարածքին հարվածներ հասցնելու փաստը։

«Որոշ ժամանակ առաջ Միացյալ Նահանգների զինված ուժերը լայնամասշտաբ մարտական գործողություններ են սկսել Իրանում։ Մեր նպատակն է պաշտպանել ամերիկացի ժողովրդին՝ վերացնելով իրանական վարչակարգից բխող անմիջական սպառնալիքները»,- տեսանյութում ասել է նա։

«Միացյալ Նահանգների, մասնավորապես՝ իմ վարչակազմի քաղաքականությունը միշտ եղել է այն, որ այս ահաբեկչական վարչակարգը երբեք չի կարող ունենալ միջուկային զենք։ Ես կրկնում եմ ևս մեկ անգամ՝ նրանք երբեք չեն կարող միջուկային զենք ունենալ»,- ասել է Թրամփը։