Պենտագոնում իրարանցում է սկսվել Իրանի հակահարվածից հետո․ Washington Post
Mon, 02 Mar 2026 20:30:55 +0400
Ամերիկյան ռազմական ղեկավարության շրջանում իրարանցում է սկսվել այն բանից հետո, երբ Թեհրանը պատասխան հարվածներ է սկսել հասցնել՝ ի պատասխան ամերիկա-իսրայելական հարձակման։ Այս մասին հայտնում է The Washington Post պարբերականը։ Համաձայն հրապարակման, ամերիկացի բարձրաստիճան զինվորականներն ավելի ու ավելի են մտահոգվում, որ Իրանի հետ հակամարտությունը կարող է դառնալ լայնածավալ պատերազմ։ Պարբերականի զրուցակիցներից մեկը Պենտագոնում տիրող մթնոլորտը որակել է որպես «պարանոիդային եւ գերլարված»։
Պենտագոնում հատկապես մտավախություն ունեն, որ տեղի ունեցողը կարող է դառնալ ձգձգվող պատերազմ, որը կարող է շատ շաբաթներ տեւել։ Այդ դեպքում ամերիկյան հակաօդային համակարգերի պաշարների սղությունը ավելի կսրվի։