Ատեստավորման ընթացքը կտեսաձայնագրվի
Tue, 03 Mar 2026 11:34:47 +0400
ՆԳՆ համակարգի ծառայողների ատեստավորման կարգը փոփոխությունների է ենթարկվել։
Այսուհետ ատեստավորման բոլոր փուլերը տեսաձայնագրվելու են։ Մինչ այս տեսաձայնագրվել են ընդհանուր բաժնի, մասնագիտական բաժնի թեստավորման հատվածները, որոնք նաև թվայնացված են։
Փոփոխվել է հանձնաժողովի կազմը, որում ներգրավվել է նաև ՆԳՆ կրթահամալիրի ռեկտորը, իսկ ոստիկանության պետի և փրկարար ծառայության տնօրենի տեղակալների համար նախատեսվել է համապատասխան հանձնաժողովներում մեկական տեղ՝ տեղակալների միջև ռոտացիոն սկզբունքը կիրառելու պայմանով։