Մոսկվայի վարչակազմը կրճատումներ է անում
Thu, 05 Mar 2026 19:30:50 +0400
Մոսկվայում քաղաքային իշխանությունները մտադիր են իրականացնել քաղաքային վարչակազմում ներգրավված աշխատակիցների հաստիքների կրճատում։ Պատճառը՝ քաղաքային բյուջեի ավելացման հետ կապված խնդիրներն են։ Նախնական վարկածով, կրճատվելու է հաստիքների 15 տոկոսը։ Կրճատումները կտարածվեն ինչպես քաղաքապետարանի աշխատակիցների, այնպես էլ վերջինիս ենթակայության ներքո գործող կառույցների անձնակազմերի վրա։
Բանն այն է, որ հունվար-փետրվար ամիսներին Մոսկվայի բյուջեն ավելացել է 2 տոկոսով, մինչդեռ բյուջեի հաստատման ժամանակ կանխատեսվել է, որ պետք է ավելանա 6,5 տոկոսով։ Եւ հիմա պակասորդը որոշել են լրացնել հաստիքների կրճատման արդյունքում իրականացվելիք ֆինանսական խնայողություններով։ Կրճատումներից զերծ կմնան միայն քաղաքային իշխանությունների սոցիալական ոլորտում ներգրավված աշխատակիցները։