Իրանը հրթիռ է արձակել Թուրքիայի ուղղությամբ
Wed, 11 Mar 2026 11:30:50 +0400
Թուրքիայի պաշտպանության նախարարությունը հայտնել է, որ Իրանից արձակված և Թուրքիայի օդային տարածք մտած ևս մեկ բալիստիկ հրթիռ է վնասազերծվել ՆԱՏՕ-ի ՀՕՊ համակարգի կողմից։ Նշվում է, որ հիթիռը չեզոքացվել է Գազիանթեփ նահանգի Շհինբեյ շրջանի օդային տարածքում։
Դեպքի առնչությամբ հաղորդագրություն է տարածել Թուրքիայի նախագահականի hանրային կապերի վարչության ղեկավար Բուրհանեթթին Դուրանը։ Նա նշել է, որ Իրանից Թուրքիայի ուղղությամբ ընթացած բալիստիկ հրթիռը ժամանակին խոցվել ու չեզոքացվել է Գազիանթեփ նահանգի Շահինբեյ շրջանի օդային տարածքում՝ ՆԱՏՕ-ի ՀՕՊ համակարգի կողմից։ Դեպքի առնչությամբ զոհեր և վիրավորներ չկան։ Ըստ նրա՝ շատ կարևոր է, որ տարածաշրջանում լարվածությունը չսրվի և հակամարտություններն ավելի լայն ընդգրկում չունենան։
Դուրանի խոսքերով՝ Թուրքիան ևս մեկ անգամ նախազգուշացնում է բոլոր կողմերին, մասնավորապես Իրանին, զերծ մնալ այնպիսի գործողություններից, որոնք վտանգում են տարածաշրջանային անվտանգությունը և քաղաքացիական բնակչությանը։