Ի՞նչ փողեր են հատկացվում «Շողակաթը» լուծարելու համար
Thu, 12 Mar 2026 11:11:45 +0400
ՀՀ կառավարությունը հերթական նիստում որոշում է ընդունել ֆինանսական միջոցներ հատկացնել «Շողակաթ» հեռուստաընկերության լուծարման գործընթացը ավարտին հասցնելու համար։ Այդ նպատակով նախատեսվում է տրամադրել 22 միլիոն դրամ։
Որոշման համաձայն՝ գումարի չափը ձևավորվել է հեռուստաընկերության կատարած հաշվարկների հիման վրա։ Հատկացվող միջոցները կուղղվեն աշխատակիցների ազատման հետ կապված ծախսերին՝ աշխատավարձերի վճարմանը, վերջնահաշվարկին և արձակման նպաստներին, ինչպես նաև առկա պարտավորությունների մարմանը և լուծարման գործընթացի ամբողջական ավարտին։
Հիշեցնենք, որ Շողակաթ հեռուստաընկերությունը լուծարվել է Հայաստանի Հանրապետության կառավարություն 2025 թվականի դեկտեմբերի 25-ի որոշմամբ։ Այդ որոշման համաձայն՝ հեռուստաընկերությունը պաշտոնապես դադարեցրել է գործունեությունը 2026 թվականի հունվարի 1-ից։