Եթե Հայաստանը ճիշտ կազմակերպեր իր պաշտպանությունը, այլ կլիներ պատերազմի ելքը. Զվիկա Խայմովիչ
Thu, 19 Mar 2026 23:13:09 +0400
Ես կարծում եմ՝ ուժեղ բանակը չի նշանակում մեծ բյուջե, մենք ապրում ենք շատ ասիմետրիկ միջավայրում, պարտադիր չէ լինել նույն իրավիճակում, ինչ մյուսները, կախված է թե տվյալ իրավիճակում ինչն է արդիական։ Այս մասին «Արմենիա» հեռուստաընկերության եթերում ասել է «Ուժեղ Հայաստան» կուսակցության անվտանգության թիմի փորձագետ Զվիկա Խայմովիչը։
Անդրադառնալով հարցին, թե Հայաստանը կարո՞ղ էր Ադրբեջանի հետ վերջին պատերազմներն այլ ելքով ավարտել, նա նշեց․ «Եթե Հայաստանն այլ կերպ կառուցեր պաշտպանությունը, այլ կլիներ նաև արդյունքը»։
«Այն փաստը, որ երկինքը չէր փակվել և նորանոր վտանգներ էին առաջանում ԱԹՍ-երի կողմից, որոնք մեծ հարվածներ հասցրեցին, անհերքելի է։ Նման վտանգները չի կարելի անտեսել։ Եթե կա գիտելիք, այն պետք է ծառայեցվի իր նպատակին, և եթե Հայաստանը ճիշտ կազմակերպեր իր պաշտպանությունը, իհարկե, այլ կլիներ պատերազմի ելքը, բայց ցավոք, այն դրամատիկ եղավ»,- ասել է փորձագետը։