Արհեստական բանականության հզորությունները ձեռնտու կլինի տեղակայել տիեզերքում․ Իլոն Մասկ
Sun, 22 Mar 2026 12:00:20 +0400
Ամերիկացի հայտնի գործարար եւ միլիարդատեր Իլոն Մասկը կարծում է, որ արդեն երեք տարուց ավելի ձեռնտու կլինի, եթե արհեստական բանականության հզորությունները տեղակայվեն ոչ թե Երկիր մոլորակի վրա, այլ տիեզերքում։ «Անկեղծորեն մտածում եմ, որ տիեզերքում տեղակայված արհեստական բանականության հզորություննրեը շատ ավելի էժան կարող են լինել, քան Երկիր մոլորակի վրա տեղակայված արհեստական բանականության հզորությունները։ Եւ դա կարող է լինել շատ ավելի շուտ, քան ակնկալում են մարդիկ։ Կարծում եմ, որ մի երկու կամ երեք տարուց արդեն հնարավոր կլինի արհեստական բանականության կրիչները ուղարկել տիեզերք եւ դա ավելի էժան կնստի մարդկության վրա, քան եթե դրանք տեղակայված լինեն Երկիր մոլորակում։ Պատճառը շատ պարզ է՝ տիեզերքում մարտկոցների կարիք չի լինի, որովհետեւ միշտ արեւային լույսը հասանելի է»,- ասել է Մասկը։ Նա նաեւ նկատել է, որ տիեզերքում արեւային պանելները հինգ անգամ ավելի արդյունավետ են աշխատում, քան մեր մոլորակի վրա։