Սկանդալը շարունակվում է․ Իրանը հերքեց Թուրքիայի տարածած սուտը
Tue, 31 Mar 2026 22:30:33 +0400
Թուրք գործընկեր Հաքան Ֆիդանի հետ հեռախոսազրույցի ժամանակ Իրանի արտգործնախարար Աբբաս Արաղչին անհիմն է որակել Թեհրանի կողմից Թուրքիայի ուղղությամբ հրթիռ արձակելու մասին տվյալները։
Ավելի վաղ Թուրքիայի պաշտպանության նախարարությունը հայտնել էր, որ մարտի 30–ին Իրանից արձակված բալիստիկ հրթիռ է չեզոքացվել, ինչը չորրորդ նմանատիպ միջադեպն է հակամարտության սրացումից ի վեր։
Ի դեպ, Ադրբեջանի ՊՆ-ն շտապել էր դատապարտել Իրանի գործողությունը՝ տուրք տալով ՛՛մեծ եղբոր՛՛ տարածած ապատեղեկատվությանը։
«Արաղչին Իրանի կողմից Թուրքիայի ուղղությամբ հրթիռ արձակելու մասին լուրը բացարձակ անհիմն է որակել», – ասվում է Իրանի արտգործնախարարության հայտարարության մեջ։
Իրանցի նախարարը նաև զգուշացրել է, որ տարածաշրջանում «խաղաղության և բարեկամության թշնամիները» կարող են գործողություններ իրականացնել կեղծ դրոշի ներքո։
Հատկանշական է, որ Իրանի դեմ ամերիկա-իսրայելական պատերազմից ի վեր թուրքական կողմը մի քանի անգամ հայտարարել է, թե Իրանը մի քանի անգամ հրթիռ է արձակել իր երկրի ուղղությամբ, որոնք, իբր, խոցվել են Թուրքիայի տարածքում։