Հարավային Կորեայի նախագահը ներողություն է խնդրել Կիմ Չեն Ընից

Tue, 07 Apr 2026 16:00:51 +0400

Հյուսիսային Կորեայի առաջնորդ Կիմ Չեն Ընը ընդունել է Հարավային Կորեայի նախագահ Լի Չժե Մյոնի ներողությունը Հյուսիսային Կորեայի սահմանը հատած ԱԹՍ-ների հետ կապված միջադեպի համար։ Այս մասին հաղորդել է Կորեայի կենտրոնական լրատվական գործակալությունը՝ հղում անելով Կորեայի աշխատավորական կուսակցության կենտրոնական կոմիտեի փոխտնօրեն Կիմ Յո Չենի հայտարարությանը։

Նրա խոսքով՝ Փհենյանը Հարավային Կորեայի առաջնորդի ներողությունը համարել է խրախուսական և չափված քայլ։ Կիմ Չեն Ընը նշել է, որ Լի Չժե Մյոնի գործողությունները կարելի է համարել ազնիվ և մեծահոգի մարդու արարք, որը ցուցաբերել է լարվածությունը նվազեցնելու պատրաստակամություն։

Միևնույն ժամանակ, Կիմ Յո Չենն ընդգծել է, որ խաղաղության և կայունության մասին խոսակցություններն անիմաստ կլինեն, եթե Սեուլը շարունակի այն, ինչ Փհենյանը անվանել է անխոհեմ սադրանքներ Հյուսիսային Կորեայի դեմ։

Նա զգուշացրել է, որ եթե Հյուսիսային Կորեայի ինքնիշխանության խախտում համարվող գործողությունները կրկնվեն, Հարավային Կորեան կարող է բախվել չափազանց լուրջ հետևանքների։

Անօդաչու թռչող սարքի միջադեպը տեղի է ունեցել մարտի 31-ին։ Հարավային Կորեայի նախագահն ափսոսանք է հայտնել Հյուսիսային Կորեայի տարածք մասնավոր անօդաչու թռչող սարքերի թռիչքի կապակցությամբ և ներողություն է խնդրել միջադեպի համար։