Կառավարության հետ տարբեր մասերով համագործակցում ենք

Կառավարության հետ տարբեր մասերով համագործակցում ենք

Fri, 10 Apr 2026 17:15:23 +0400


«Հրապարակի» զրուցակիցը Երևանի ավագանու նախկին անդամ, Հայկ Մարությանի «Նոր ուժ» կուսակցության անդամ Գրիգոր Երիցյանն է:

– Դուք ֆեյսբուքում «սթորի» էիք տեղադրել, թե ինչպես եք սեղմում Նիկոլ Փաշինյաի ձեռքը, ժպտում նրան, ջերմ շփվում վերջինիս հետ, սակայն հենց մեզ հետ ունեցած նախորդ զրույցներում, թե Փաշինյանին, թե ՔՊ-ին սուր քննադատության էիք արժանացնում, ավագանու նիստերի ժամանակ էլ մշտապես քննադատել եք ՔՊ-ական իշխանությանը: Այժմ ինչպե՞ս է ստացվում, որ Փաշինյանի հետ ջերմ «սթորի» եք հրապարակում: Օգտատերերը ենթադրում են, որ ՔՊ-ական եք դարձել….

– Իմ աշխատանքի բերումով եմ ընդունել իրեն` եկել էր մեր կազմակերպության կենտրոններից մեկը, որը նաև Կառավարության ծրագրի մի մաս է կազմում: Եթե իմ գործունեությանը ծանոթ եք, ապա հավանաբար գիտեք, որ ես նաև երիտասարդական կազմակերպության ղեկավար եմ, և կազմակերպությունն ունի մի շարք երիտասարդական կենտրոններ: Այն երիտասարդներին մատուցում է տարաբնույթ ծառայություններ` ոչ ֆորմալ կրթություն, զարգացում և այլն: Այդ կենտրոններից միայն մեկը Կառավարության աջակցությամբ է վերանորոգվել` նախորդ տարի: Այս կտրվածքով վարչապետը ցանկություն էր հայտնել այցելել կենտրոն և տեսնել աշխատանքը և մենք իրեն հյուրընկալել ենք հենց այդ կտրվածքով: Այսինքն` որպես կառավարության գլուխ:

– Այսինքն` որպես կուսակցական չեք հանդիպել վերջինիս:

– Ո՛չ: Որևէ կերպ մենք չենք պատրաստվում միավորվել որևէ քաղաքական ուժի: Ինչ վերաբերում է «Նոր ուժ» կուսակցությանը, ապա կուսակցությունը հայտարարել է, որ չի միանալու և չի համագործակցելու որևէ ուժի հետ: Մենք աշխատել ենք նրանց հետ և այժմ նման հնարավորություն չենք տեսնում: Այս հանդիպումը կայացել էր Ծաղկաձորում, և այն որևիցե աղերս չունի նախընտրական պրոցեսների և, առհասարակ, քաղաքական գործընթացների հետ: Վարչապետին դիմավորել եմ մասնագիտության բերում: Փաշինյանն այցելել է որպես վարչապետ, այլ ոչ թե որպես թեկնածու:

– Իսկ ի՞նչ հարցեր քննարկեցիք Փաշինյանի հետ:

– Նրա հետ շփվել ենք ընդամենը տասը րոպե, ներկայացրել ենք մեր գործունեությունը, այդքան բան:

– Այնուամենայնիվ, Դուք քաղաքական ուժի անդամ եք, ներկայացնում եք մի կուսակցություն, որը ներկայանում է որպես ընդդիմադիր ուժ: Չունե՞ք մտավախություն, որ նման հանդիպումները կարող են ազդեցություն ունենալ ձեր թիմի քաղաքական գործունեության վրա:

– Որպես հասարակական կազմակերպության ղեկավար մենք Կառավարության հետ տարբեր մասերով համագործակցում ենք, սակայն ոչ թե որպես քաղաքական ուժեր, այլ մեր հարկերով աշխատող մարդկանց հետ: Փորձում ենք երկրին օգտակար լինել, սակայն ամեն մեկս մնում ենք մեր քաղաքական համոզմունքներին, ունենալով մեր արժեքները: Այն փաստը, որ մենք հանդիպել ենք` աշխատանքի բերում, չի նշանակում, որ ես անձամբ որպես քաղաքական համոզմունքներ ունեցող մարդ որևէ կերպ աջակցում եմ Նիկոլ Փաշինյանին և իշխող կուսակցության: Պետք չէ այս հարցը դիտարկել այդ կոնտեքստում: Ինչ վերաբերում է ընտրություններին, ապա ես լիովին աջակցում եմ Հայկ Մարությանի ղեկավարած «Նոր ուժ» կուսակցությանը, ավելին` ես այդ կուսակցության վարչության անդամ եմ, բայց դա չի ենթադրում, որ ես իմ գործունեությունը պետք է դադարեցնեմ, և այլ ոլորտներում չաշխատեմ…. մեր կազմակերպությունը որպես քաղաքացիական հասարակության մի մաս մշտապես բավականին կառուցողական, ինչպես նաև տեղ-տեղ քննադատական մոտեցումներ է ունենում կառավարության տարբեր մոտեցումներին, ծրագրերին և այլն: Հենց մեր կազմակերպությունը 18-ամյա երիտասարդի գործով դիմել է Դատախազություն, այնպես որ ես ոչ մի խնդիր չեմ տեսնում այստեղ:

© 2026 Secure News Portal

Source: Hraparak

Hraparak.am

Recent Posts

Մարզպետը ՔՊ-ի քարոզարշավին է լծվել

Մարզպետը ՔՊ-ի քարոզարշավին է լծվել Thu, 19 Nov 2026 21:45:41 +0400 Վարչապետ Նիկոլ Փաշինյանը նոյեմբերի…

10 րոպե ago

Մեզ պետք է ներքին խաղաղություն առանց Նիկոլ Փաշինյանի և իր թիմի

Մեզ պետք է ներքին խաղաղություն առանց Նիկոլ Փաշինյանի և իր թիմի Thu, 19 Nov 2026…

24 րոպե ago

«Տանը՝ միայնակի» գլխավոր հերոսը հանդես է եկել գովազդում

«Տանը՝ միայնակի» գլխավոր հերոսը հանդես է եկել գովազդում Thu, 19 Nov 2026 21:30:46 +0400 McDonalds…

25 րոպե ago

Հայ գերիները` Նիսի պատվավոր քաղաքացիներ

Հայ գերիները` Նիսի պատվավոր քաղաքացիներ Thu, 19 Nov 2026 21:25:06 +0400 Այսօր Ֆրանսիական Նիսի քաղաքային…

31 րոպե ago

Եթե մենք չհաղթահարենք 50 պլյուսը` միայն ավագանի կլինեմ

Եթե մենք չհաղթահարենք 50 պլյուսը` միայն ավագանի կլինեմ Thu, 19 Nov 2026 21:15:33 +0400 Նոյեմբերի…

41 րոպե ago

Մարզերից Երևան ոստիկաններ են բերվում

Մարզերից Երևան ոստիկաններ են բերվում Thu, 19 Nov 2026 21:14:27 +0400 Ինչպես հայտնի է, Երևանում…

42 րոպե ago