Chat GPT-ի ստեղծողի տան վրա հարձակում են իրականացրել

Sun, 12 Apr 2026 09:30:17 +0400

Անհայտ անձը հարձակում է իրականացրել Chat GPT-ի ստեղծող ընկերության՝ OpenAI-ի գլխավոր տնօրեն Սեմ Ալթմանի տան վրա՝ Սան-Ֆրանցիսկոյում։

Հանցագործը Ալթմանի տուն «Մոլոտովի կոկտեյլ» է նետել։ Այս մասին հայտնում է The Guardian պարբերականը, վկայակոչելով տեղի ոստիկանության հրապարակած տվյալները։

Դեպքը տեղի է ունեցել տեղի ժամանակով 03:43-ին, Ռաշեն-հիլ շրջանում։ Կասկածյալը ձերբակալվել է։ Նրա ինքնությունը սակայն չի բացահայտվում։

Իրավապահների հայտարարության համաձայն, վերջինս նախկինում էլ սպառնալիքներ էր ուղղել Ալթմանի հասցեին։ Միջադեպից տուժածներ, բարեբախտաբար չկան։