Հրաժարվելու եմ Կիպրոսի եւ ՌԴ-ի քաղաքացիությունից. ինչ հայտնեց Սամվել Կարապետյանը դատարանին
Wed, 15 Apr 2026 11:33:50 +0400
Հակակոռուպցիոն դատարանում՝ դատավոր Վահե Դոլմազյանի նախագահությամբ այսօր մեկնարկել է միլիարդատեր,«Ուժեղ Հայաստան» կուսակցության առաջնորդ Սամվել Կարապետյանի վերաբերյալ քրեական գործի քննությունը։ Ինչպես արդեն տեղեկացրել ենք, մեղադրյալների առարկությամբ, նիստը չի կարող տեսանկարահանվել։
Այսօրվա նիստին Սամվել Կարապետյանը պատասխանեց դատարանի հարցերին` իր ինքնության վերաբերյալ. «Ես ՀՀ-ի քաղաքացի եմ, ունեմ նաեւ Ռուսաստանի եւ Կիպրոսի անձնագիր։ Քանի որ վստահ ենք հաղթանակի մեջ, սկսել ենք գործընթաց ՌԴ-ի եւ Կիպրոսի քաղաքացիությունից հրաժարվելու»։
Կարապետյանը նաեւ հայտնեց` ունի բարձրագույն կրթություն, տնտեսագիտության դոկտորի կոչում, ամուսնացած է, ունի 3 չափահաս երեխա, իր խնամքին ոչ ոք չկա։
Իր աշխատելու վերաբերյալ էլ նշեց. «Աշխատում եմ որպես «Ուժեղ Հայաստան» կուսակցության նախագահ, ունեի աշխատանք` «Տաշիր» ընկերությունների խմբի նախագահն էի»։