Փաշինյանը հաստատում է ՝ աղմկահարույց փոփոխություններ են սպասվում
Sat, 18 Apr 2026 17:51:42 +0400
Սահմանադրության տեքստին բնականաբար ծանոթ եմ, ես ինքս էլ այդ տեքստի վրա աշխատել եմ որոշակիորեն, հրապարակմանը կողմ եմ, բայց խնդիրն այն է, որ մի քանի սկզբունքային և կարևոր նյուանսների շուրջ, որը կապված է պետական կառավարման համակարգի կարգավորումների հետ, որոշակի բանավեճ կա կառավարական և քաղաքական թիմում։ Այս մասին, այսօր՝ ապրիլի 18-ին, կառավարության նիստից հետո լրագրողների հետ ճեպազրույցում նշեց վարչապետ Նիկոլ Փաշինյանը՝ անդրադառնալով հարցին, թե արդյոք կողմ է, որ Սահմանադրության նոր տեքստի նախագիծը հրապարակվի մինչև ընտրություններ։
«Ես չեմ ուզում, որ մենք հրապարակենք թուղթը առանց այդ բանավեճերը հասցեագրելու, այսինքն աշխատանքային մակարդակով։ Բայց ցավոք, նախընտրական շրջանը գնալով ավելի արագ տեմպերով մոտենում է, և մենք պլանավորում ենք մինչև այդ փորձենք քննարկել և այդ հարցերը հասցեագրել։ Բայց եթե չհասցնենք հասցեագրել, հրապարակումը կմնա ընտրություններից հետո»,–ասաց նա։
Օրերս մենք գրել էինք, որ Անկախության հռչակագիրը նոր Սահմանադրության նախաբանում չընդգրկելուց զատ Փաշինյանը մի շարք աղմկահարույց փոփոխություններ է ուզում սղղացնել նոր Մայր օրենքում, որոնց մի մասի վերաբերյալ արդեն անոնսել է։