Երկար ընդմիջումից հետո Հայաստան ու Ղազախստանը վերսկսել են կանոնավոր չվերթները
Tue, 21 Apr 2026 19:00:23 +0400
Ղազախստանն ու Հայաստանը վերսկսել են կանոնավոր չվերթները գրեթե հինգ տարվա ընդմիջումից հետո։ Այս մասին հայտարարել է Ղազախստանի տրանսպորտի նախարարությունը։
Ըստ այդմ, ապրիլի 18-ին Ղազախստանի SCAT Airlines-ը սկսել է շաբաթական երկու անգամ կանոնավոր չվերթներ իրականացնել Ակտաու-Երևանի երթուղով։
Ապրիլի 20-ից էլ հայկական Shirak Avia ավիաընկերությունը շաբաթական մեկ անգամ չվերթներ է սկսել իրականացնել Երևան-Աստանա երթուղով։
Ղազախստանի և Հայաստանի միջև կանոնավոր չվերթները դադարեցվել էին 2020 թվականին։ Հիմնական պատճառներից մեկը COVID-19 համավարակն էր, վառելիքի բարձր գները և այլն։
2020-ից 2025 թվականներին իրականացվել է միայն մի քանի ոչ կանոնավոր չվերթ։