Դպրոցականի մակարդակի պատասխան է տվել․ Օսկանյան
Tue, 12 May 2026 13:18:39 +0400
ՀՀ նախկին արտգործնախարար Վարդան Օսկանյանը հայտարարել է, որ մի քանի շաբաթ առաջ Մոսկվայում ՌԴ նախագահ Վլադիմիր Պուտինը վարչապետ Նիկոլ Փաշինյանին փաստացի կանգնեցրել է ԵԱՏՄ-ի և ԵՄ-ի միջև ընտրություն կատարելու հարցի առաջ, սակայն, ըստ Օսկանյանի, Փաշինյանի արձագանքը դիվանագիտական լուրջ սխալ էր։
Օսկանյանի խոսքով՝ վարչապետի պատասխանը նույնիսկ դպրոցականի մակարդակի չէր։ Իր ասելիքը նա ներկայացրել է պատկերավոր համեմատությամբ․
«Պատկերացրեք՝ ամուսնացած մարդ ես, և կինը բացահայտում է, որ սիրուհի ունես։ Նա քեզ ասում է՝ ընտրություն կատարիր։ Իսկ դու պատասխանում ես՝ դեռ չգիտեմ՝ սիրուհիս ինձ հետ կամուսնանա՞, թե՞ ոչ, առայժմ հակասություն չկա, շարունակենք այսպես, հետո կտեսնենք»։
Նախկին նախարարի գնահատմամբ՝ նման մոտեցումը արտաքին քաղաքականության մեջ անորոշություն և թույլ դիրքավորում է ցույց տալիս։