Նա արդեն գոռացել է՝ Արծվաշենը Հայաստան է և վերջ

Նա արդեն գոռացել է՝ Արծվաշենը Հայաստան է և վերջ

Mon, 18 May 2026 10:15:10 +0400


Նա արդեն գոռացել է՝ Արծվաշենը Հայաստան է և վերջ

Քարոզարշավի սկսվող երկրորդ շաբաթվա հիմնական գաղափարը լինելու է այն, որ հունիսի 7-ի ընտրությունները վերածվում են ՀԱՆՐԱՔՎԵԻ՝ պետությունը պահո՞ւմ ենք, թե՞ ոչ։ Այս հարցադրումից չպետք է վախենալ, հակառակը՝ պետք սրել։ Վախենալ պետք է նրանից, թե ինչքան ձայն կհավաքի այս իշխանությունը։

Կոչերը՝ քվեարկեք. N 7-ին, N 3-ին, N 17-ին, N 6-ին, իհարկե բնական են, բայց մեզ նաև միասնական կոչ է պետք, միասնական օրակարգ, որը կսրի պրոցեսն ու կվերածի հանրաքվեի։ Սա պետք է, որովհետև Նիկոլն իրեն աջակից բնական սոցիալական խավ չունի, նա արհեստական սոցիալական խավերով ուզում է ձայն հավաքել, ու այդ ձայների վրա հենվելով (նրանց իմացությամբ կամ ոչ՝ արդեն էական չէ) Հայաստանը տանել լուծարման։ Նախընտրական առողջապահական ապահովագրում (այս ձևով երկար չի տևելու), առանց վիզա՝ դեպի Եվրոպա (ամբողջությամբ բլեֆ է), պետական համակարգի պրեմիաներ և «պաշտոնի մեռածներ»։ Սա է նրա ձայնի աղբյուրը, իսկ ինչո՞ւ է արհեստական, որովհետև այս շերտերի մեջ կան մեծ թվով նորմալ մարդիկ, որոնց առաջիկա շաբաթներին կարելի է և պետք է բացատրել մեկ պարզ բան. ձեր ժամանակավոր օգուտը խիստ ժամանակավոր է, իսկ գինը՝ աներևակայելի թանկ։ Այս իշխանությունը երկիրը հաշված ամիսների ընթացքում տանելու է կորստի։

«Մեզ Արցախ պետք չի, «Մեզ Շուշի պետք չի» շերտը ուրիշ է. այն հանգիստ ասելու է՝ մեզ Հայաստան պետք չի։ Այս շերտի հետ գործ չունենք։ Մյուս շերտերի հետ, սակայն, պարզ սուր հարցադրման դեպքում հասնել արդյունքի։
Նա արդեն գոռացել է՝ Արծվաշենը Հայաստան է և վերջ, ինչը նշանակում է՝ իր վերարտադրության դեպքում նոր ծանր կորուստներ, հանձնումներ։ Գործող գյուղերի, կարևորագույն ճանապարհների, ռազմավարական բարձունքների և բնակավայրերի հանձնում կամ եթե նույնիսկ փոխանակում՝ ապա անբնակ, որևէ ճանապարհով Հայաստանի հետ չկապված տարածքի հետ, դա ի՞նչ է՝ իսկական հանրաքվեի թեմա։ Տիգրանաշենի բարձունքում տեղակայվելիք ադրբեջանական զինուժը կամ Հայաստան-Իրան միջպետական ճանապարհի հատվածներն Ադրբեջանին հանձնելն ինչո՞վ են նպաստելու Հայաստանի անվտանգության բարձրացմանը կամ տարածաշրջանային խաղաղությանը։

Հունիսի 7-ը ամենաիսկական հանրաքվե է. մենք չպետք է վախենանք դա գիտակցել և ժողովրդին պարզ ասել։ Մարդիկ կարող են չկողմնորոշվել քվեաթերթիկների հարցում, թե կոնկրետ ո´ր համարին ձայն տան, բայց հիմնական հարցադրման մեջ ընտրությունը շատ պարզ է։

Վահե Հովհաննիսյան

© 2026 Secure News Portal

Source: Hraparak

Hraparak.am

Share
Published by
Hraparak.am

Recent Posts

Ընդունել է մեղքը եւ ներողություն խնդրել սեքսուալ բռնության համար

Ընդունել է մեղքը եւ ներողություն խնդրել սեքսուալ բռնության համար Tue, 17 Nov 2026 20:00:29 +0400…

16 րոպե ago

Ադրբեջանի կողմից նոր նախապայմաններ չդնելու միակ երաշխավորությունը ՀՀ խաղաղությունն է

Ադրբեջանի կողմից նոր նախապայմաններ չդնելու միակ երաշխավորությունը ՀՀ խաղաղությունն է Tue, 17 Nov 2026 19:52:50…

23 րոպե ago

Փաշինյանի պահանջով արգելանք է դրվել թերթի դրամական հաշիվների վրա

Փաշինյանի պահանջով արգելանք է դրվել թերթի դրամական հաշիվների վրա Tue, 17 Nov 2026 19:45:15 +0400…

31 րոպե ago

Ինչպե՞ս է իշխանությունը համարձակվում հրաժարվել իր երկրի ծննդյան վկայականից․ Ֆարմանյան

Ինչպե՞ս է իշխանությունը համարձակվում հրաժարվել իր երկրի ծննդյան վկայականից․ Ֆարմանյան Tue, 17 Nov 2026 19:44:07…

32 րոպե ago

Թրամփը հայտարարել է, որ պատրաստ է Պուտինի հետ առանձին հանդիպման ԱԽՏՀ գագաթնաժողովում

Թրամփը հայտարարել է, որ պատրաստ է Պուտինի հետ առանձին հանդիպման ԱԽՏՀ գագաթնաժողովում Tue, 17 Nov…

38 րոպե ago

Ես հաճախում եմ այն եկեղեցիներ, որտեղ չի հնչում կաթողիկոսի անունը

Ես հաճախում եմ այն եկեղեցիներ, որտեղ չի հնչում կաթողիկոսի անունը Tue, 17 Nov 2026 19:31:53…

44 րոպե ago