Թրամփը հայտարարել է, որ պատրաստ է Պուտինի հետ առանձին հանդիպման ԱԽՏՀ գագաթնաժողովում
Tue, 17 Nov 2026 19:38:34 +0400
ԱՄՆ նախագահ Դոնալդ Թրամփը հայտարարել է, որ պատրաստ է հնարավորության դեպքում առանձին հանդիպում ունենալ Ռուսաստանի նախագահ Վլադիմիր Պուտինի հետ Շենժենում կայանալիք Ասիա-խաղաղօվկիանոսյան տնտեսական համագործակցության գագաթնաժողովում։
«Չգիտեմ կկայանա՞ երկկողմ հանդիպում, բայց ես կանեի դա։ Եթե հնարավոր լինի, ես կանեի դա», – ասել է Թրամփը՝ պատասխանելով լրագրողի հարցին։ Նախագահը մամուլի հետ զրույցում խոսել է Մանիլայում կայանալիք ԱՍԵԱՆ գագաթնաժողովի շրջանակներում Քառակողմ անվտանգության երկխոսության (ՔԱՌԱԿ, որը ներառում է Ավստրալիան, Հնդկաստանը, ԱՄՆ-ն և Ճապոնիան) ղեկավարների հետ հանդիպումից առաջ։
Ավելի վաղ Ռուսաստանի նախագահի մամուլի քարտուղար Դմիտրի Պեսկովը լրագրողներին ասել էր, որ Ռուսաստանի և ԱՄՆ նախագահներ Պուտինի և Թրամփի հանդիպման ճշգրիտ ժամանակի վերաբերյալ դեռևս տեղեկություններ չկան, բայց կան մի քանի տարբերակներ։ Նա նաև հավելել է, որ Շենժենում APEC գագաթնաժողովում Ռուսաստանի և ԱՄՆ նախագահների միջև երկկողմ բանակցությունների համակարգումը շատ երկար է տևում, քանի որ նրանք ունեին բազմաթիվ այլ կարևոր հանդիպումներ, որոնք նախատեսված էին։